Luke 7:7 - De Beebaa Dabu

⁷ Aanei hiidinga oogu tee hanadu ai nei gi oo daha. Aagai koe basa donu huu gi ieiangi ai dogu dangada hai hegau.

Luke 7:7 Iomraidhean Croise

Psalm 107:20

Ia ne tala donu huu de muna, gai gilaadeu gu ieiangi, gai ne hagaola gilaadeu mai i de magau.

Psalm 33:9

Go hiidinga ia ne basa, gai gu hai ga bei; ia ne tala de muna, gai gu hanu mee.

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Mark 1:27

Gai dangada alodahi gu llele mouli, ga hagadau pasa i olaadeu magavaa, ga hagataba, “Se aha deenei? Ni agoago hoou? Ia ne basa ange gi denga hagasaalunga baubau i ssauaa, gai gilaadeu ne hagallongo ange gi de ia.”

Luke 4:36

Gai dangada alodahi gu llele mouli ga hagataba i olaadeu magavaa, “Ni muna bee hee aanei? Ia ne basa ange gi hagasaalunga baubau laa i ssauaa aama de mmahi, aagai gilaadeu ga ssao ga hulo gee!”

Luke 5:13

Gai Iesu ga haalo dono lima ga poo ange ia, ga hai ange, “Au e lodo, koe gu gilimalali!” De masavaa laa donu huu gai taane lebelaa laa gu ieiangi.

Luke 7:6

Gai Iesu ga hano madali gilaadeu. Gai dono masavaa huu ne dai baa ange ai gi de hale o tagi o de lau laa, gai taane laa ga hai gi loomai hanu ono soa gi hai ange gi Iesu, “Tagi Maolunga, aude hagadee saohia ina goe, go hiidinga au e dee bau ange gi doo humai gi dogu hale.

Luke 7:8

Go hiidinga au se dangada hogi e noho i lalo ssauaa o dahi, gai e soa daane hebagi i ogu lalo. Gai noo au e hai ange gi dahi, ‘Hannoo!’, gai ia ga hano; be au e hai ange gi dahi, ‘Humai!’, gai ia ga humai; aabe au e hai ange gi dogu dangada hai hegau, ‘Haia de mee nei!’, gai ia ga hai.”

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

1 Samuel 2:6

Go Tagi Maolunga e daia gi maakau ma de hai gi mouli ⌊tangada⌋; go ia e gave iho gi de mommee o de gau maakau, ma de hagamouli age.