Luke 7:28 - De Beebaa Dabu

²⁸ Au e hai adu gi goodou, e deai ange donu se dangada ne haanau i daho denga haahine e maolunga ange i John. Aagai de ia e maolalo i de nohoanga hodooligi o de Maadua e maolunga ange i de ia.”

Luke 7:28 Iomraidhean Croise

Matthew 11:11

Ni muna abodonu aagu e hai adu nei gi goodou, tigi ai ange donu se dangada ne haanau i daho denga haahine e maolunga ange i a John taane Babudaisi. Aagai tangada e maolalo i de nohoanga hodooligi o de langi, e maolunga ange i de ia.

Matthew 3:1

Laangi laa gai a John taane Babudaisi ne hano gi de vao o Judea ga agoago ai,

Luke 3:16

Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

Luke 7:27

Deenei taane gu sisi laa ono dagodo ma e hai ange, ‘Tilo, au e hai gi hano dogu dangada hagailoo i oo mada i mua, gi hagadabena ina de haiava i oo mada i mua.’

Luke 7:29

Gai de masavaa a dangada ma de gau hagabudu taagisese ne langona ai muna nei, gai gilaadeu ga hagataba bolo de Maadua e heohi donu, go hiidinga gilaadeu gu lava i de babudaisi i de babudaisi a John.

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”