Luke 7:13 - De Beebaa Dabu

¹³ Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Luke 7:13 Iomraidhean Croise

Psalm 103:13

Gai Tagi Maolunga e lodo aloha ange gi gilaadeu e maatagu i de ia, bei dagodo o tamana e lodo aloha ange laa gi ana dama.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Jeremiah 31:20

E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Mark 8:2

“Au gu lodo aloha i dangada soa nei. Gu dolu olaadeu laangi ne nnoho ai madali au, gai gu deai hogi alaadeu gai.

Luke 10:1

Dua mee nei, gai Tagi Maolunga ne hili e dinohidu ma dogolua dangada ga hai gi hulo dagi dogolua i ono mada i mua, gi denga aduhale ma mommee alodahi oona gu dai hano aagena.

Luke 11:1

Dahi laangi gai Iesu e dalodalo i dahi mommee, gai ga lava huu ono dalodalo, gai dahi ana dangada agoago ne hai ange gi de ia, “Tagi Maolunga, agoagona mai gimaadeu i de hai omaadeu e dalodalo ai, bei de hai a John gu agoago ange ai laa hogi ana dangada agoago.”

Luke 11:39

Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Luke 12:42

Gai Tagi Maolunga ne basa ange ga hai ange, “Gai goai naa huu tangada e hai hegau i de mee abodonu gai se dagi e heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi?

Luke 13:15

Tagi Maolunga ne hai ange gi de ia, “Goodou ni dangada e daahanga ina dangada! Dahi ma dahi i goodou e dee tala laa dana kaau aabe go dana donkey ga dagi gee mai i lo tono buibui ga kave e hagaunu i de laangi o Sabbath?

Luke 17:5

De gau tala ne hai ange gi Tagi Maolunga, “Haia gi kii ange de nnui omaadeu kai.”

Luke 17:6

Gai Tagi Maolunga ne hai ange, “Gai ga vaaligiligi naa donu oodou kai bei de golee o de mustard, gai goodou e maua i de hai ange gi de manu somo go de mulberry, ‘Ngalue gee mai i doo duulanga ga tili gi de moana,’ gai e hai naa donu ga bei oodou muna.

Luke 18:6

Gai Tagi Maolunga ga hai ange, “Goodou hagalaangona muna a tangada hagamodu muna baubau laa.

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”

Luke 22:61

Aagai Tagi Maolunga ga huli dua mai ga galo ange gi Peter, gai Peter gu manadua muna a Tagi Maolunga ne hai ange gi de ia, “I mua de goo o de gaagoo daane ailaa nei, gai koe e hagadee iloo naa ngau i e dolu hanonga.”

Luke 24:3

aagai ga ulu huu gilaadeu gi lodo, gai gilaadeu tee gidee de angaanga o Tagi Maolunga go Iesu i kilaa.

Luke 24:34

gilaadeu ne hai ange, “Ni muna abodonu, Tagi Maolunga gu mouli age, gai ia gu hakide ange hogi gi Simon!”

Luke 7:12

Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

Luke 7:14

Gai Iesu ga hano ga poo ange de ngavesi, gai dangada e sabaia ga tuu. Gai ia ga hai ange gi taane magau laa, “Tama daane, au e hai adu gi de goe, hidi age!”

Luke 7:19

ga hai gilaau gi hulo gi siilia ange gi Iesu, gi hai ange, “Go koe de ia gu tala laa bolo e humai, aabe gimaadeu e tali ange dahi dangada gee?”

Luke 8:52

Gai dangada alodahi i kilaa e tangi ma de tangi see i hiidinga o tamaa hine laa. Aagai Iesu ga hai ange, “Goodou aude tangi, tamaa hine nei tigi magau donu, ia e seni donu huu!”

John 11:2

Deenei Mary ne hagasulu ina laa Iesu i dahi vai manongi ma de hagammasa luoono vae i ono ngaangaaulu, gai Lazarus se daina daane niiona.

John 11:3

Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”

John 20:13

Gai gilaau ne ssili ange gi de hine laa, “De hine, gu aha gu dangi ai naa goe?” Ia ne hai ange gi gilaau, “Go hiidinga gilaadeu gu kave gee dogu Dagi Maolunga, gai au e dee iloo be go hee alaadeu ne kave ga dugu ai.”

John 20:15

Gai Iesu ga hai ange gi de ia, “De hine, gu aha gu dangi ai naa goe? Gai goai aau e ssala naa?” Gai Mary e hai bolo ia se dangada hai veelenga, gai ia ga hai ange gi de ia, “Tangada aamua, noo go koe ne gaavee gee dono angaanga, gai koe daalaa mai be go hee aau ne kave ia ga dugu ai, gai au ga hano e kave.”

John 4:1

De masavaa huu a Iesu ne iloo ai bolo denga Pharisee gu langona bolo ia gu soa ange ana dangada agoago ne mau ma de babudaisi i a John,

John 6:23

Gai hanu boose mai i Tiberias ne loomai laa gaogao de mommee a dangada ne gai ai pelaoaa i dua de hagaahe ange a Tagi Maolunga de abodonu.

1 Corinthians 7:30

gai gilaadeu e hinangalosaa gi bei dagodo o dangada e dee hinangalosaa, gilaadeu e malangilangi gi bei dagodo o dangada e dee malangilangi, gilaadeu e hagao mee gi bei dagodo o dangada e deai olaadeu goloa,

1 Thessalonians 4:13

Denga daina, gimaadeu e llodo goodou gi tonu ange gi dagodo o de gau maakau, gi dee hinangalosaa ai goodou bei dagodo dangada e deai selaadeu tali.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Judges 10:16

Gai dangada o Israel ga aau gee denga diinonga laa mai i olaadeu magavaa, gai ga daumaha ange gi Tagi Maolunga; gai ia gu kona mmao de daemaha ono lodo i hiidinga de duasala o de gau Israel.