Luke 6:7 - De Beebaa Dabu

⁷ Gai de gau sisi ma denga Pharisee ne dagitilo be ia e hagaieiangi taane laa i de laangi o Sabbath, gai gilaadeu ga hagabaubau ai ia.

Luke 6:7 Iomraidhean Croise

Psalm 38:12

Gilaadeu e llodo e daa au gi magau gu dugu alaadeu sele, gilaadeu e hagatau delaadeu hai e hagalagohia ai au; gilaadeu e hagatau delaadeu hai e daahanga ai dangada mai i taiao ga boo ai.

Isaiah 29:21

gilaadeu e hagabuu ange ssala gi tangada i alaadeu muna, ma de hai gi dee sula de hagamodu muna soe i de haitoga o de aduhale, gai alaadeu muna hhadu e hai gi dee heohi de hagamodu muna o tangada heohi.

Jeremiah 20:10

Au e langona dangada soa e hagadau musumusu, De mee hagamaatagu gu i mommee alodahi! “Gaavange ia! Gaavange ia gi de hainga!” Ogu soa alodahi e dagitilo de masavaa oogu e haisala ai, gai gilaadeu ga hagataba, “Kana adu ia e hagasengalia naa; gai gidaadeu ga hagadee kii ia ma de sui ange ana mee ne hai.”

Matthew 5:39

Aagai au e hai adu gi goodou, goodou aude suuia ange hegau a tangada baubau, aagai noo dahi dangada e hagaili doo galaahuu madau, gai koe huli ange doo galaahuu ange laa gi de ia.

Mark 3:2

Gai dangada i kilaa ne tilo be ia e hagaieiangi taane laa i de laangi o Sabbath, gai gilaadeu ga hagabaubau ai ia.

Luke 13:14

Aagai tagi o synagogue gu lili go hiidinga Iesu gu hagaieiangi magi i de laangi o Sabbath. Gai taane nei ga hai ange gi dangada, “E ono laangi e heohi ai de hai oodou hegau; deenei ai goodou loomai i laangi laa ga hagaieiangi oodou magi, gai goodou gi dee loomai i de laangi o Sabbath!”

Luke 20:20

Gai gilaadeu ne dagitilo Iesu ma de hai gi hulo de gau mulidagi gi ono daha, gilaadeu ne hagassee bolo e hai hegau i de muna abodonu. Gai gilaadeu ne hagallongo ana muna e tilo be e hanu alaadeu mee e gaavange ai ia e hagamodu ono muna i de hainga ma ssauaa o de goobenaa.

John 9:16

Gai hanu Pharisee ne hagataba, “Taane nei tee humai i daho de Maadua, go hiidinga ia e dee hagadabu de laangi o Sabbath.” Aagai hanu Pharisee ne ssili, “Dee hee de hai a dahi dangada haisala e maua ai i de hai denga hagailonga be mee nei?” Gai gilaadeu gu dee buni.