Luke 6:49 - De Beebaa Dabu

⁴⁹ Gai tangada e langona agu muna gai e dee daudali ai, e bei dagodo o tangada e hagaduu laa dono hale i honga de gelegele, gai e deai sono dagelo makaga. Gai ga hagahonu age huu de vai ga usu de hale laa, gai gu moolau donu de baguu, gai gu maoha donu ga odi.”

Luke 6:49 Iomraidhean Croise

Proverbs 28:18

Tangada e hai hegau i de mee heohi e ola donu, aagai tangada e dee heohi ana hegau, e moolau naa donu dono duu ange gi de hai ngadaa.

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Hosea 4:14

Au e dee hagaduasala naa donu oodou damaa hine i delaadeu hai be ni manu; aabe hagaduasala oodou saulaba i delaadeu dagodo haisala, go hiidinga denga daane e hulo hogi gi daho denga haahine hai be ni manu, ma de hai alaadeu sigidaumaha madali denga haahine hai be ni manu; de huaadangada e dee hai laa gi tonu ange e hagaduasala naa donu.

Matthew 23:3

deelaa ai, goodou haia ma de daohi mee alodahi alaadeu e tala adu gi goodou, aagai goodou gi dee ago ange i alaadeu dahulinga; go hiidinga gilaadeu e dee daudali i alaadeu mee e agoago ai.

Matthew 24:10

Gai e soa naa dangada e daahuli gee i de laangi laa, ma de hagadau hagabaubau aama de hagadau kino.

Mark 4:17

Aagai e deai donu olaadeu aga, deelaa ai, gilaadeu tee daulooloa donu. Gai de masavaa huu ne tae mai ai denga hai ngadaa ma de vaivai haia o dangada, i hiidinga o muna nei, gai gilaadeu ne moolau donu de aahe dua.

Luke 12:47

Tangada hai hegau e iloo laa e ia mee o dono dangada aamua e lodo ai, aagai ia e dee hagadabena ange aagena aabe e hai gi bei lodo o dono dangada aamua e hagailiili naa donu i hanonga lagolago.

Luke 19:14

Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’

Luke 19:27

Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

Luke 6:48

ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga.

Luke 7:1

Gai ga lava huu i de tala ange a Iesu ana muna alodahi gi dangada, gai ia ga hano gi Capernaum.

John 15:2

Laa alodahi e deai olaadeu hua, gai ia e duuduu ga tili, aagai laa alodahi iai hua, gai ia e velevele gi kii ange ai de hhua lagolago.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

1 Thessalonians 3:5

Deenei ai, ga dee maua huu e au i de golomagi ogu lodo, gai au ga hai Timothy gi hanadu gi oodou daha, gi iloo ai e au dagodo o oodou kai. Au ne manavasaa i dagu maanadu bolo de ia hagatale gu hagatale goodou, gai amaadeu hegau gu deai donu haigamaiana.

2 Peter 2:20

Noo gilaadeu gu ola mai i denga dahulinga hakino gee o henua i lalo, i delaadeu iloo taadeu Dagi Maolunga ma de Ia Hagamouli go Iesu Klisdo, gai gu aahe ange hogi ma gu hai ma de hagadee kii ina i mee nei, gai olaadeu dagodo i de hagaodi gu kii ange de baubau i taamada.

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.