Luke 6:47 - De Beebaa Dabu

⁴⁷ Be goai e humai gi de au ma de hagallongo agu muna ga daudali ai, gai au e hagaago adu ono dagodo:

Luke 6:47 Iomraidhean Croise

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Matthew 12:50

Be goai e haia lodo o dogu Damana i de langi laa, gai go ia donu dogu daina daane, ma dogu daina hahine, aama dogu dinana.”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Luke 6:48

ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga.

Luke 8:13

Aagai golee ne too ange laa gi de mommee haduhadua, go dangada e malangilangi laa i de kave muna a de Maadua, i de masavaa alaadeu ne langona ai, aagai e deai olaadeu aga. Gilaadeu ne hagadonusia i dahi damaa masavaa, aagai de masavaa huu o denga hagatale, gai gilaadeu gu aahe dua.

Luke 8:8

Hanu ne too ange gi honga de bela danuaa, ga ssomo age ga hhua mai ai e dagillau.” Gai ga lava huu i dana tala ange mee nei, gai ia ga hai ange, “Be goai e hanu ono dalinga e hagallongo ai, gai ia gi hagalaangona.”

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

John 13:17

Noo goodou gu iloo mee nei, gai goodou e manuuia noo goodou e hai hegau ai.

John 14:15

“Noo goodou e aaloha i de au, gai goodou ga daudali i agu hainga.

John 5:40

aagai goodou e dee llodo e loomai gi de au gi maua ai e goodou de mouli.

John 6:35

Iesu ne hai ange gi gilaadeu, “Go au de pelaoaa o de mouli; tangada e humai gi de au e dee haihai donu ga hiigai, gai tangada e hagadonu au e dee haihai naa donu ga hieunu.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

James 4:17

Deenei ai, tangada e iloo e ia de mee heohi dana hai, aagai ia e dee hai, gai ia gu haisala ai donu.

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.