Luke 6:44 - De Beebaa Dabu

⁴⁴ Gidaadeu e madea denga manu ssomo hugadoo i olaadeu hua. Denga hua o de fig e dee hagihagi mai i denga manu daladala, gai denga grape e dee hagihagi mai i denga manu duiduia.

Luke 6:44 Iomraidhean Croise

Matthew 12:33

“Noo e danuaa de manu somo, gai ono hua e danuaa hogi; gai noo e baubau de manu, gai ono hua e baubau hogi, go hiidinga dangada e madea de manu somo i ono hua.

Matthew 7:16

Gai goodou e madea naa gilaadeu i olaadeu hua. E aha, e maua e gidaadeu i de hagihagi hanu grape mai i denga manu daladala, aabe go hua o de fig mai i denga manu dabeo?

Matthew 7:20

E bei ai hogi, goodou e madea naa gilaadeu i olaadeu hua.

James 3:12

Denga daina, e maua i de hai gi hhaa mai denga olive i de fig, aabe go denga fig i de grapevine? E dee maua hogi e dahi saalingaa vai soolo i de hai denga vai danuaa.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.