Luke 6:38 - De Beebaa Dabu

³⁸ Goodou ngadi gaavange mee, gi ngadi gaavadu ai hogi gi goodou, i de hagabaaunga danuaa, gu luuluu laa ma gu kadi aama de honu malingilingi. Go hiidinga de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.”

Luke 6:38 Iomraidhean Croise

2 Samuel 19:36

Gai doo dangada hai hegau e damaa hano naa donu huu madali goe, de hodooligi, gi de baasi laa o Jordan. Gai gu aha goe, de hodooligi gu hagao mai ai au?

Esther 7:10

Gai gilaadeu ga daudau Haman i honga de laagau aana ne hagaduu laa e daudau ai Mordecai, gai de hodooligi gu ahe dono lili.

Esther 9:25

Aagai de masavaa a de hodooligi ne iloo ai de hagatau laa, gai ia ne hagadaba i de leda aana ne sisi ai laa, i dagodo o de hagatau baubau a Haman ne hai laa e hai baasi ange gi de gau Ssuu, bolo gi ahe ange donu huu gi de ia, gai gi daudaulia gilaadeu ma ana dama daane i honga denga laagau.

De Beebaa go Job 42:11

Gai ono daina daane ma ono daina haahine alodahi, aama dangada alodahi nogo iloo laa ia i mua ga loomai ga daonga madali ia i dono hale. Gai gilaadeu ga hagaaneane ono lodo ma de aaloha i de ia, i hiidinga o denga hai ngadaa alodahi a Tagi Maolunga ne hai ange laa gi de ia. Gai dahi ma dahi ne gaavange gi a Job hanu sseene ma dahi buulei goolo.

Psalm 79:12

Suuia ange hegau a dangada e paa mai gi gimaadeu gi hidu hanonga; de Ia Aamua, ma de sui ange de hakadanga i de goe.

Exodus 21:24

de ganomada e sui ange i de ganomada, de niho e sui ange i de niho, de lima e sui ange i de lima, de vae e sui ange i de vae,

Proverbs 10:22

De hagamanuuia a Tagi Maolunga e gaamai de lava, gai e deai donu se mee hagadaemaha iai.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Proverbs 22:9

Tangada abodonu e manuuia naa donu, go hiidinga ia e gaavange ana gai gi de gau hagaau aloha.

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;

Matthew 10:42

Gai be goai e gaavange dahi ubu vai maluulu gi dahi gilaadeu e maolalo nei, i hiidinga ia se dangada agoago niiagu, ni muna abodonu aagu e hai adu nei gi goodou, ia e kave naa donu dono hagaoanga.”

Matthew 7:2

Go hiidinga goodou e hagamodu naa hogi oodou muna, bei doodou hai ne hagamodu ai muna o de gau ange laa, gai de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.

Mark 4:24

Ia ne hai ange hogi gi gilaadeu, “Goodou kana ange daohia oodou mee gu langona; de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou, gai e hai naa donu ga lagolago ange.

Luke 6:30

Gaavange gi dangada alodahi e dangidangi adu i dahi mee, gai noo dahi gu kave gee au mee, aagai koe aude haia gi de mahi ia gi hagaahea adu ai e ia au mee.

Deuteronomy 15:10

Gai koe lodo aloha ange gi de ia ga gaavange gi lava danuaa ana mee. Gai noo koe gu hai de mee nei, gai Tagi Maolunga doo Maadua ga hagamanuuia au hegau alodahi e hai.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.