Luke 6:35 - De Beebaa Dabu

³⁵ Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

Luke 6:35 Iomraidhean Croise

Psalm 112:5

Tanuaa e humai naa gi tangada abodonu ma de gaavange sseene gi dangada, go tangada e hai hegau i de hagamodu heohi.

Psalm 145:9

Tagi Maolunga e abodonu ange gi dangada alodahi, gai e lodo aloha ange gi mee alodahi aana ne hai.

Psalm 37:26

Gai gilaadeu e abodonu ange gi dangada ma de ngadi gaavange mee; gai olaadeu hagadiilinga e manuuia.

Psalm 58:11

Dangada e hagataba naa, “Ni muna abodonu, e dahi donu hagaoanga olaadeu e heohi; gai e dahi donu Maadua e hagamodu ina muna o henua i lalo.”

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Proverbs 22:9

Tangada abodonu e manuuia naa donu, go hiidinga ia e gaavange ana gai gi de gau hagaau aloha.

Matthew 5:9

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

Mark 5:7

ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!”

Luke 1:32

Ia e sula naa ga maolunga, gai e hagabinga naa go Tama Daane a de Ia Maolunga Mmao laa. Gai Tagi Maolunga de Maadua e gaavange naa gi de ia de nohoanga hodooligi o dono dubuna go David,

Luke 6:36

Goodou llodo aaloha, bei dagodo o doodou Damana, ia e lodo aloha.

John 13:35

Deenei de hai a dangada alodahi e iloo ai bolo goodou ni dangada agoago niiagu, noo goodou e hagadau aaloha.”

John 15:8

Deenei de mee e hagamahamaha ai dogu Damana, go doodou hhua lagolago, e hagaago mai ai bolo goodou ni dangada agoago donu niiagu.

Acts 14:17

Aagai ia ne hai donu gi dahi mee e hagadonu ai ono dagodo: ia ne abodonu adu gi goodou i dana gaavadu gi goodou de langi pala mai i de langi ma denga huamanu i de masavaa e hhua ai; ia ne hai gi boobosu goodou i de gaimee ma de hai gi malangilangi oodou lodo.”

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

2 Timothy 3:2

Dangada e aaloha naa donu huu i gilaadeu, ma de nnoo ange gi sseene, ma de pasa hagamaolunga, ma de llodo maolunga, ma de hai samu o dangada, ma tee hagallongo ange gi olaadeu maadua, ma tee llodo e hagaahe ange de abodonu, ma tee dabu,