Luke 6:27 - De Beebaa Dabu

²⁷ “Aagai au e hai adu gi goodou e langona agu muna: goodou aaloha i oodou hagadaumee, gai haia ange tanuaa gi gilaadeu e kino i goodou;

Luke 6:27 Iomraidhean Croise

1 Kings 13:6

Gai de hodooligi ne hai ange gi taane o de Maadua, “Dangidangi ange gi Tagi Maolunga doo Maadua ia gi abodonu mai gi de au; dalodalo gi ieiangi ai dogu lima.” Gai taane o de Maadua ga dangidangi ange gi Tagi Maolunga, gai de lima o de hodooligi gu ieiangi, gu ahe ange ga bei ono dagodo i mua.

Psalm 7:4

noo au gu hai ange de baubau gi tangada e noho baba laa madali au, aabe au gu gaiaa mee a dogu hagadaumee i teai hiidinga,

Proverbs 24:17

Aude malangilangi i de masavaa o doo hagadaumee e baguu ai, gai koe gi dee lodo danuaa i masavaa oona e dai baguu ai;

Proverbs 25:2

De mahamaha o de Maadua go dana hai gi dee iloo dahi mee, gai de mahamaha o denga hodooligi go delaadeu ssala gi iloo dahi mee.

Mark 4:24

Ia ne hai ange hogi gi gilaadeu, “Goodou kana ange daohia oodou mee gu langona; de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou, gai e hai naa donu ga lagolago ange.

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Luke 6:22

E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

Luke 8:18

Deenei ai, goodou diiloo maalie doodou hai e hagallongo ai; go hiidinga be goai e hanu ana mee, e gaavange naa donu gi de ia; gai be goai e deai ana mee, gai e kave gee donu mee aana e hagadaba bolo e hanu i ono daha.”

Luke 8:8

Hanu ne too ange gi honga de bela danuaa, ga ssomo age ga hhua mai ai e dagillau.” Gai ga lava huu i dana tala ange mee nei, gai ia ga hai ange, “Be goai e hanu ono dalinga e hagallongo ai, gai ia gi hagalaangona.”

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 16:28

Gai Paul ne basa ange gi de ia i de leo laumalie, ga hai ange, “Aude hagalagohia ina goe! Go hiidinga gimaadeu alodahi e nnoho i kinei!”

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.