Luke 6:22 - De Beebaa Dabu

²² E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

Luke 6:22 Iomraidhean Croise

Isaiah 65:5

Gilaadeu e hai mai, ‘Koe gi hano gee mai i kinei, aude humai gi hagabaa mai, go hiidinga au e kii ange de dabu i de goe!’ De gau bee nei e bei de useahi i lodo luoogu bongaa usu, ma de ahi e gaa laa i taiao ga boo ai.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Matthew 10:18

Gai goodou e gaavee naa gi mada i mua o denga goobenaa ma hodooligi i ogu hiidinga, gai goodou ga tala hagadonu ange ai au gi gilaadeu aama denga Gentile.

Matthew 10:22

Gai dangada alodahi e kino naa i goodou i hiidinga o dogu ingoo. Gai be goai e lodo mmahi ga dae ai gi de hagaodi, gai ia e hagamouli.

Matthew 10:39

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Luke 20:15

Gai gilaadeu ga tili ia gi tua de veelenga ga daa ai ia gu magau. Deenei ai, ni aha naa a tangada niiana de veelengaa grape e hai ange gi gilaadeu?

Luke 21:17

gai dangada alodahi e kino naa i goodou i hiidinga o dogu ingoo.

Luke 6:21

E manuuia goodou e hiikai iainei; goodou e hai naa ga boobosu! E manuuia goodou e tangi iainei; goodou e kada naa!

John 12:42

Aagai ne soa i magavaa o denga dagi ne hagadonusia Iesu, aagai gilaadeu tee tala i hiidinga o denga Pharisee, kana alualumia gilaadeu gi dee ulu i de synagogue;

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

John 17:14

Au gu gaavange gi gilaadeu au muna; gai henua i lalo e kino i gilaadeu, i hiidinga gilaadeu e dee ni mee mai henua i lalo, bei ogu dagodo, au e dee se mee mai henua i lalo.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

John 9:34

Gai gilaadeu ga hai ange gi de ia, “Koe se dangada e honu i de baubau mai i doo haanau, gai koe e humai e agoago mai gimaadeu!” Gai gilaadeu ga alualu ia gi hano gee mai i lo te synagogue.

Acts 22:22

Gai dangada ne hagallongo ana muna ga dae ai gi dana tala de mee nei. Aagai gilaadeu ga hevaalogi ga hagataba, “Daia gi magau taane naa! E dee danuaa donu dono mouli!”

Acts 24:5

Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

Acts 9:16

gai au e hagaago ange naa gi de ia de lagolago mee oona e hagaduasala ai i hiidinga dogu ingoo.”

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

1 Peter 3:14

Aagai e dee galemu naa donu noo goodou gu hagaduasala i doodou hai de mee heohi, gai goodou gu manuuia. Goodou gi dee maatagu i gilaadeu aabe gi manavasaa oodou lodo.