Luke 6:20 - De Beebaa Dabu

²⁰ Gai Iesu ne galo ange ga tilo ana dangada agoago, ga hai ange, “E manuuia goodou e hagaau aloha; niiodou de nohoanga hodooligi o de Maadua!

Luke 6:20 Iomraidhean Croise

Psalm 37:16

Momo goloa o tangada heohi e danuaa ange i de lava o de gau baubau soa;

Proverbs 16:19

E danuaa ange doo lodo maolalo gai e noho i magavaa o de hagaau aloha, i dau vaevae goloa ne maua i de hebagi madali de gau hagamaolunga.

Proverbs 19:1

Tangada hagaau aloha e hai hegau laa i de mee heohi, e danuaa ange i tangada lodo senga ma de hadu muna.

Isaiah 29:19

Gai de gau daudonu e aahe ange naa ga malangilangi i Tagi Maolunga; de gau hagaau aloha e malangilangi naa i de Ia Dabu o Israel.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.

Zechariah 11:11

De hagatoo donu hagaheloongoi ne oha i de laangi laa, gai denga ssiibi ne duasala ina laa ne daumada ina agu hegau gu iloo bolo muna laa nii Tagi Maolunga.

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Matthew 5:1

Gai ga gidee huu e Iesu dangada soa laa, gai ia ga hanage ga noho i honga dahi duuduu. Gai ana dangada agoago ga loomai gi ono daha,

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Luke 13:28

Gai goodou e tangi naa ma de hagaida oodou gauvae, i doodou gide Abraham, ma Isaac, ma Jacob, aama denga pelaabisi alodahi e nnoho i de nohoanga hodooligi o de Maadua, gai goodou gu tili gi duaahaho!

Luke 14:15

De masavaa a dahi i magavaa o dangada ne langona laa mee nei, gai ia ga hai ange gi Iesu, “E manuuia tangada e gaimee i taonga i de nohoanga hodooligi o de Maadua!”

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

2 Corinthians 8:2

De masavaa ne kona ai delaadeu hai ngadaa, gai gilaadeu ne malangilangi i de daohi age dahi sigidaumaha, e dee galemu donu delaadeu hagaau aloha.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

2 Thessalonians 1:5

Gai mee nei e hagaago danuaa mai de hagamodu heohi a de Maadua, gai e hai gi heohi ange goodou gi de ulu i de nohoanga hodooligi o de Maadua, gai de mee nei ne hai ga vaivai haia goodou.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

1 Samuel 2:8

Ia e hagahiihidi age de gau hagaau aloha i lo te gelegele, ma gilaadeu e duasala mai i lodo lehu; ga hai gilaadeu gi nnoho madali denga dagi aama de gaavange gi gilaadeu denga duulanga hagadubu. Dagelo o henua i lalo alodahi ni mee nii Tagi Maolunga, gai go ia ne hagaduulia ange henua i lalo gi olaadeu elunga.