Luke 6:12 - De Beebaa Dabu

¹² Dahi laangi ange gai Iesu ne hano gi de mounga e dalodalo ai, gai ia ne dalodalo ange gi de Maadua i de boo laa alodahi.

Luke 6:12 Iomraidhean Croise

Psalm 22:2

Dogu Maadua, au e dangi i de laangi, aagai koe e dee basa mai; au e dangi i de boo, au e dee maua donu i de hagamabu.

Isaiah 26:9

Ogu lodo e maanadu donu huu goe i de boo, gai dogu hagasaalunga e oho boo e ssala goe. De masavaa aau e hagamodu ai muna i henua i lalo, gai dangada e nnoho i henua i lalo gu iloo e gilaadeu de mee heohi.

Daniel 6:10

Gai ga iloo huu e Daniel bolo gu hagasauaa de hainga laa, gai ia ga hano gi teege i lunga o dono hale, gi de mommee iai denga abaaba vaaligi e maahuge laa ma e huuhuli ange gi Jerusalem. Gai ia ne duuduli i kilaa ga dalodalo i e dolu hanonga i de laangi, gai ia ga hagaahe ange de abodonu i mada luu mada o de Maadua, bei dana dahulinga e hai i de laa tubua.

Matthew 5:1

Gai ga gidee huu e Iesu dangada soa laa, gai ia ga hanage ga noho i honga dahi duuduu. Gai ana dangada agoago ga loomai gi ono daha,

Matthew 6:6

Gai noo goodou gu dalodalo, aagai goodou ulu gi lodo oodou aabi, ga pono de haitoga, aagai goodou ga dalodalo ange gi doodou Damana e dee gidee laa. Gai doodou Damana e gidee laa mee e dee gidee ga hagao adu goodou.

Mark 1:35

Gai Iesu ne oho age i taiao ga hano gi de mommee e deai dangada iai, ga dalodalo ai.

Mark 3:13

Gai ia ne hanage gi honga dahi mounga, gai ia ga hagahi gi loomai gi ono daha gilaadeu oona e lodo ai; gai gilaadeu ga loomai gi ono daha.

Mark 6:46

Gai ga lava huu i dana hai gi hulo dangada, gai ia ga hanage gi de mounga ga dalodalo ai.

Luke 5:16

Aagai Iesu e dee modu de hano gi de vao ga dalodalo ai.

Luke 6:11

Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.

Luke 6:17

Gai Iesu ne hano iho madali gilaadeu ga duu i dahi mommee soe. Gai ana dangada agoago soa gu i kilaa aama de hagabuulingaa dangada soa mai i Judea, ma Jerusalem, aama mai i denga mommee i tagudai o Tyre ma Sidon;

Luke 9:18

Dahi laangi Iesu e dalodalo i dahi mommee, gai ana dangada agoago e nnoho hogi madali ia, gai Iesu ne ssili ange gi gilaadeu, “E hagataba dangada bolo au goai?”

Luke 9:28

Gai ga valu huu laangi i dua de tala muna nei, gai Iesu ga kave Peter, ma John, aama James ga loage ai gilaadeu gi honga de mounga e dalodalo ai.

Luke 9:29

Gai de masavaa oona e dalodalo ai, gai luoono mada gu hagadagodo gee, gai ono malo gu malamalama ma de tea mmao.

John 6:3

Gai Iesu ga hanage i de mounga ga noho i dahi mommee i kilaa madali ana dangada agoago.

Colossians 4:2

Goodou hagaduu ngae i talodalo, ma de dagitilo ga hagaahe ange de abodonu.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.