Luke 5:36 - De Beebaa Dabu

³⁶ Ia ne tala ange hogi gi gilaadeu dahi mee hagasengasenga: “E deai donu se dangada e saea dahi malo hoou e dui ange gi dahi malo duai. Noo ia e hai de mee nei, gai ia gu ssae de malo hoou laa, gai talaa malo laa e dee heloongoi ange gi de malo duai.

Luke 5:36 Iomraidhean Croise

Leviticus 19:19

Koe gi daohia agu mee gu hagasauaa. Aude hagahai dama ina dau manu i dahi hagadaagangaa manu gee. Aude dooa dau veelenga i e lua hagadaagangaa golee. Aude gahu i malo e hai i e lua hagadaagangaa huga malo.

Luke 5:35

Gai e loomai naa donu laangi e kave gee ai taane gu hagahai bodu i olaadeu daha, gai gilaadeu ga hagahiikai ai naa i laangi laa.”

Luke 5:37

E deai hogi se dangada e hagasahulia ange uvaini hoou gi lodo gili manu duai. Noo gu hai de hegau nei, gai uvaini hoou laa ga oha denga gili manu laa, gai uvaini laa gu maalingi, aagai denga gili manu laa gu maoha.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

Deuteronomy 22:11

Koe e dee gahu i malo e hai i huluhulu o denga manu, ma malo e hai i denga manu ssomo i de hanonga daudahi.