Luke 5:30 - De Beebaa Dabu

³⁰ Gai denga Pharisee ma de gau sisi ga nnanu ga hai ange gi ana dangada agoago, “Gu aha goodou gu gaimee ai naa ma de unu madali dangada e hagabudulia taagisese ma de gau baubau?”

Luke 5:30 Iomraidhean Croise

Isaiah 65:5

Gilaadeu e hai mai, ‘Koe gi hano gee mai i kinei, aude humai gi hagabaa mai, go hiidinga au e kii ange de dabu i de goe!’ De gau bee nei e bei de useahi i lodo luoogu bongaa usu, ma de ahi e gaa laa i taiao ga boo ai.

Matthew 5:46

Gai noo goodou e aaloha donu huu i gilaadeu e aaloha i goodou, gai e dahi ai naa oodou hagaoanga? E dee aanaa donu hogi hegau a de gau e hagabudulia taagisese e hai?

Matthew 9:11

Gai ga gidee huu e denga Pharisee, gai gilaadeu ga ssili ange gi ana dangada agoago, “Gu aha gu gaimee ai naa doodou dangada agoago madali de gau e hagabudulia taagisese ma de gau baubau?”

Mark 2:16

Gai ga gidee huu e de gau sisi ma denga Pharisee, bolo Iesu e gaimee madali dangada e hagabudulia taagisese ma de gau haisala, gai gilaadeu ga ssili ange gi ana dangada agoago, “Gu aha gu gaimee ai naa doodou dangada agoago madali dangada e hagabudulia taagisese aama de gau baubau?”

Mark 7:3

(Go hiidinga denga Pharisee ma de gau Ssuu alodahi e dee gaimee donu noo tigi hhui olaadeu lima. Gilaadeu e daohi tahulinga a olaadeu dubuna madagidagi;

Mark 9:16

Gai Iesu ga ssili ange gi gilaadeu, “Ni aha oodou e hagadaumee ai naa?”

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Luke 19:7

Gai de masavaa huu a dangada ne gidee ai mee laa, gai gilaadeu alodahi ga nnanu, ga hagataba, “Ia gu hano gi de hale o dahi daane haisala.”

Luke 5:17

Dahi laangi i de masavaa oona e agoago ai, gai hanu Pharisee ma de gau agoago o de hainga ne loomai laa i denga aduhale hugadoo o Galilee ma Judea, aama mai i Jerusalem e nnoho i kilaa. Gai ssauaa o Tagi Maolunga i ono daha laa gu hagaieiangi denga magi.

Luke 5:21

Gai de gau sisi ma denga Pharisee ne hagataba i olaadeu lodo, “Goai taane e basa hagangadi mee ina nei de Maadua? Goai e maua i de tala haisala, e dee go de Maadua donu huu?”

Luke 7:34

Aagai Tama a Tangada ne humai ga gaimee ma de unu, gai goodou ne hagataba, ‘Ia se dangada aagai ma de lodo e unu mee vii, gai se soa niio de gau hagabudu taagisese ma de gau baubau!’

Luke 7:39

Gai de masavaa huu a de Pharisee laa ne gidee ai mee gu hai laa, gai ia ga maanadu i ono lodo ga hagadaba, “Noo se pelaabisi abodonu taane nei, gai ia e iloo donu dagodo o de hine e boogia ange nei ia. Ia se hine haisala!”

Acts 23:9

Gai gu kona de hagalongaa o dangada; gai hanu dangada sisi o denga Pharisee ne tuu age ga hai baasi, ga hai ange, “Gimaadeu tee gidee donu dahi baubau i daho taane nei! Kana adu dahi hagasaalunga be se dangada de langi gu basa ange donu gi de ia.”