Luke 5:17 - De Beebaa Dabu

¹⁷ Dahi laangi i de masavaa oona e agoago ai, gai hanu Pharisee ma de gau agoago o de hainga ne loomai laa i denga aduhale hugadoo o Galilee ma Judea, aama mai i Jerusalem e nnoho i kilaa. Gai ssauaa o Tagi Maolunga i ono daha laa gu hagaieiangi denga magi.

Luke 5:17 Iomraidhean Croise

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 15:1

Gai hanu Pharisee ma de gau sisi ne loomai i Jerusalem, gi daho Iesu ga ssili ange gi de ia,

Mark 1:45

Aagai taane laa ne hano ga hagadele de longo laa. Gai Iesu gu dee maua i de hano gi denga aduhale e hagasula ange gi dangada soa, ia gu noho donu huu i mommee e deai dangada iai. Aagai dangada ga loomai gi ono daha i mommee alodahi.

Mark 16:18

gilaadeu e booboo naa denga labodo hagammau, ma de unu mee hagammau, gai mee nei e dee maua donu i de hagammae gilaadeu; gilaadeu e dugu ange naa olaadeu lima gi honga o denga magi, gai gilaadeu e ieiangi donu.”

Mark 3:22

Gai de gau sisi ne loomai laa i Jerusalem ne hagataba, “Beelzebul e noho i ono daha! Gai ia e hai gi hulo gee denga hagasaalunga baubau i ssauaa o tagi o denga hagasaalunga baubau.”

Mark 5:30

Gai Iesu gu iloo e ia bolo ssauaa gu sao ma gu hano mai i ono daha, gai ia ga huli dua i magavaa o dangada ga ssili, “Goai gu boogia mai nei ogu malo?”

Mark 7:1

Gai hanu Pharisee ma dangada sisi mai i Jerusalem ne hagabuni mai gi daho Iesu,

Luke 15:2

Aagai denga Pharisee ma de gau sisi ne nnanu ga hagataba, “Tangada nei e abodonu ange gi de gau haisala ma de gaimee madali gilaadeu!”

Luke 2:46

Gai dua huu e dolu laangi, gai gilaau gu gidee ia i lo te buibui o de temple, ia e noho i daho de gau agoago o de hainga, ma e hagallongo ai alaadeu agoago, aama de ssili ange ana muna gi gilaadeu.

Luke 5:21

Gai de gau sisi ma denga Pharisee ne hagataba i olaadeu lodo, “Goai taane e basa hagangadi mee ina nei de Maadua? Goai e maua i de tala haisala, e dee go de Maadua donu huu?”

Luke 5:30

Gai denga Pharisee ma de gau sisi ga nnanu ga hai ange gi ana dangada agoago, “Gu aha goodou gu gaimee ai naa ma de unu madali dangada e hagabudulia taagisese ma de gau baubau?”

Luke 6:19

Gai dangada alodahi ne hagatale de poo ange gi de ia, go hiidinga ssauaa gu sao mai i ono daha ma gu hagaieiangi dangada alodahi.

Luke 7:30

Aagai denga Pharisee aama de gau agoago o de hainga ne hagangadi mee de hagatau a de Maadua, gilaadeu tee babudaisi i daho John.

Luke 8:46

Aagai Iesu ga hai ange, “Dahi dangada gu poo mai donu au, au e langona iho de sao o ssauaa i ogu daha.”

John 3:10

Iesu ne hai ange, “Koe se dangada agoago niio de gau Israel, gai koe e dee donu ange gi de mee nei?

John 3:21

Gai tangada e haia de mee heohi e humai gi de maalama, gi gidee danuaa ai bolo ana hegau ni mee mai i daho de Maadua.”

Acts 19:11

Gai de Maadua ne hai denga sauaa hagalele mouli i daho Paul,

Acts 4:30

Gai haalo ina doo lima ga hagaieiangi ai magi ma de hai denga hagailonga ma mee hagalele mouli i de ingoo o doo dangada hai hegau dabu go Iesu.”

Acts 5:34

Aagai e dahi Pharisee i magavaa o de hagabuulinga hagasaele laa, dono ingoo go Gamaliel, ia se dangada e agoagona de hainga ma de hagadubu i daho dangada alodahi, ia ne duu age ga hai gi hulo de gau tala gi duaahaho i dahi damaa masavaa,