Luke 4:35 - De Beebaa Dabu

³⁵ Gai Iesu ga hagasee ia ga hai ange, “Aude basa, gai sao mai i ono daha!” Gai de hagasaalunga baubau ga hagabaguu taane laa i magavaa o dangada, gai ia ga sao mai i ono daha, tee hagalagohia ia.

Luke 4:35 Iomraidhean Croise

Psalm 50:16

Aagai de Maadua e hai ange gi tangada baubau: “Goai ne dugu adu koe gi hagamaumau ina agu hainga, aabe go de tala dagu hagatoo donu hagaheloongoi?

Zechariah 3:2

Tagi Maolunga ne hai ange gi Satan, “Satan, Tagi Maolunga gi hagaseegina goe! Tagi Maolunga ne hilia laa Jerusalem gi hagaseegina goe! E dee deenei taane e bei laa de laagau, aau ne dada mai i lo te ahi?”

Matthew 17:18

Gai Iesu ga hagasee de hagasaalunga baubau laa, gai de hagasaalunga baubau laa gu sao mai i ono daha, gai tama daane laa gu ieiangi i de masavaa laa donu huu.

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

Mark 1:26

Gai de hagasaalunga baubau laa ga hai gu lele age taane laa ma de oo i de leo laumalie, gai ia ga sao mai i daho taane laa.

Mark 4:39

Gai ia ga alahage ga hagasee de madangi ma de beau, ga hai ange, “Gi sili de madangi, gai gi malino honga de vai!” Gai gu sili de madangi, gai gu malino mmao.

Mark 9:26

Aagai de hagasaalunga laa ga oo ma de hai gi lele age tama daane laa, gai ia ga sao ga hano gee mai i ono daha. Gai tama daane laa gu bei dagodo o tangada magau, gai dangada ga hagataba, “Ia gu magau!”

Luke 11:22

Aagai de masavaa naa huu o dahi e mmahi ange laa i de ia e humai ai ga hebagi ange ga hagadee kii ia, gai ia ga kave goloa hebagi a taane laa e tali hagalodolodo ange laa aagena, ga duha ana goloa ne hai gi de mahi.

Luke 4:23

Ia ne hai ange gi gilaadeu, “Ni muna abodonu, goodou e hagamaanadu mai gi de au de mee hagasengasenga nei, ‘Tangada hai magi, hagaieiangi ina donu huu goe. Haia hogi sauaa amaadeu gu langona laa bolo koe gu hai i Capernaum, i doo aduhale donu.’ ”

Luke 4:39

Gai Iesu ne hano ga ino iho ga hai gi hano gee de vvela laa, gai dono angaanga gu dee vvela. Gai de masavaa laa donu huu gai hine laa ga hidi age ga hai hanu gai e gaimee ai gilaadeu.

Luke 4:41

Denga hagasaalunga baubau ne ssao hogi ga hulo gee mai i daho dangada soa, aagai gilaadeu ga hevaalogi ga hagataba, “Go koe donu Tama Daane a de Maadua!” Gai Iesu ga hagasee gilaadeu gi dee pasa, go hiidinga gilaadeu e iloo bolo ia go de Klisdo.

Luke 8:24

Gai ana dangada agoago ga loomai ga hhango ange ia, ga hai ange, “Tangada Aamua, Tangada Aamua! Gidaadeu ga maakau nei!” Aagai Iesu ga alahage ga hagasee de madangi mmahi ma denga beau; gai gu malino.

Luke 9:39

Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha!

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

Revelation 12:12

Deenei ai, de langi, malangilangi, ma goodou alodahi e nnoho i kilaa! Aagai e vakaa naa henua i lalo ma tai, go hiidinga de ia hagabaubau laa gu bole ma gu hano iho ai gi goodou, go hiidinga ia gu iloo bolo dono masavaa gu bodobodo.”