Luke 4:32 - De Beebaa Dabu

³² Gai dangada i kilaa gu llele mouli i ana agoago, go hiidinga ia e agoago i ssauaa.

Luke 4:32 Iomraidhean Croise

Mark 1:22

Gai dangada gu llele mouli i ana agoago, go hiidinga ia e agoago bei tangada e dahi ono sauaa, ia e dee agoago bei de gau sisi.

Luke 2:47

Dangada alodahi ne langona ana muna gu llele mouli i dono iloo mee aama ana muna e basa ange ai gi gilaadeu.

Luke 4:33

Gai e dahi daane iai de hagasaalunga baubau i lo te synagogue, gai ia ne oo ga hai ange,

Luke 4:36

Gai dangada alodahi gu llele mouli ga hagataba i olaadeu magavaa, “Ni muna bee hee aanei? Ia ne basa ange gi hagasaalunga baubau laa i ssauaa aama de mmahi, aagai gilaadeu ga ssao ga hulo gee!”

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

John 7:46

Gai de gau hagaloosi ga hai ange, “Tigi ai donu se dangada ne agoago bei dagodo o taane laa.”

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

1 Thessalonians 1:5

go hiidinga demaadeu longo danuaa tee tala adu donu huu gi goodou i muna, gai ne gaavadu i ssauaa ma de Hagasaalunga Dabu, gai gimaadeu e iloo bolo e heohi abodonu. Goodou gu iloo dagodo omaadeu mouli i de masavaa omaadeu nogo nnoho ai i oodou magavaa; de mee nei ne hai gi danuaa adu ai gi goodou.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.