Luke 4:2 - De Beebaa Dabu

² E madahaa laangi oona ne hagatale ai i daho de ia hagabaubau laa. Gai ia tee gaimee i laangi laa, gai dua huu laangi laa gai ia gu saalohia.

Luke 4:2 Iomraidhean Croise

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

1 Kings 19:8

Gai ia ga hidi age ga gaimee ma de unu, gai ia gu mmahi age i de gai denga mee laa, gai ia ne seesee i e madahaa laangi ma e madahaa boo ga hano gu dae gi Horeb, go de mounga o de Maadua.

Esther 4:16

“Hannoo hagabuni ina de gau Ssuu alodahi i Susa, gai goodou ga hagahiikai i ogu hiidinga; goodou e dee gaimee donu, aabe unu i e dolu laangi ma e dolu boo. Gai gimaadeu ma ogu haahine hai hegau e hagahiikai naa hogi madali goodou. Dua naa huu mee nei, gai au ga hano gi daho de hodooligi, e dee galemu donu e hai baasi ange gi de hainga. Gai noo au gu magau, gai au gu magau.”

Exodus 24:18

Gai Moses ne hanage i de mounga ga ulu gi lo te hagausinga laa, ga noho i kilaa i e madahaa laangi ma boo.

Exodus 34:28

Gai Moses ne noho i daho Tagi Maolunga i kilaa i e madahaa laangi ma e madahaa boo; gai ia tee gaimee be ne unu. Gai ia ne sisi ange gi honga luu duu hadu laa muna o de hagatoo donu hagaheloongoi, go de Madaangahulu Hainga.

Jonah 3:7

Gai ia ne hai dahi hagailoo ga adi ange gi dangada i Nineveh: “Deenei de mee a de hodooligi ma ono gau aamua gu hagasauaa: E dee dugu ange dahi dangada be se manu dolodolo, be se kaau aabe se ssiibi gi mamia ange dahi mee daudahi; gilaadeu e dee gaimee hogi aabe unu.

Matthew 21:18

Taiao age, i dono masavaa ne ahe ai gi de aduhale, gai ia gu saalohia.

Matthew 4:2

Gai ia tee gaimee i e madahaa laangi ma e madahaa boo, gai ia gu saalohia.

Luke 4:3

Gai de ia hagabaubau laa ga hai ange gi de ia, “Noo go koe donu Tama Daane a de Maadua, gai koe basa ange gi de hadu nei, mage suuia gi se pelaoaa.”

John 4:6

Gai dahi vai geli a Jacob i kilaa, gai Iesu gu dalea i dono seesee mai, gai ia ne noho i gaogao de vai geli laa. Gai gu dai daa tuele i de masavaa laa.

Deuteronomy 9:18

Gai au ne hano ga dagodo i honga de gelegele i mada luu mada o Tagi Maolunga i e madahaa laangi ma e madahaa boo, bei agu hegau gu hai i mua, au tee gaimee donu be ne unu, i hiidinga haisala alodahi oodou gu haisala ai; goodou gu hai dahi baubau laumalie i mada luu mada o Tagi Maolunga ma gu hai ai ia gi lili.

Deuteronomy 9:25

Gai au ne dagodo i honga de gelegele i mada luu mada o Tagi Maolunga i e madahaa laangi ma e madahaa boo, go hiidinga Tagi Maolunga gu hagadaba bolo ia ga daa goodou gi odi i de maakau.

Deuteronomy 9:9

Gai de masavaa oogu ne hanage ai gi de mounga e kave ai luu duu hadu baabaa, e sisi ai laa de hagatoo donu hagaheloongoi a Tagi Maolunga ne hai madali goodou, gai au ne noho i kilaa i e madahaa laangi ma e madahaa boo, gai au tee gaimee be ne unu.

Hebrews 2:18

Go hiidinga ia ne kave de hagaduasala ma de hagatale, deelaa ai, ia e maua hogi i de bale ange gilaadeu e hagataalea laa.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

1 Samuel 17:16

Gai ne madahaa laangi a taane Philistia laa ne aheahe mai ai ga duu i kilaa i taiao aama de ahiahi.