Luke 4:15 - De Beebaa Dabu

¹⁵ Gai ia ga agoago i olaadeu synagogue, aagai dangada alodahi gu tuhi ia.

Luke 4:15 Iomraidhean Croise

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Matthew 13:54

ga ahe gi dono aduhale donu, ga agoago ange ai dangada i delaadeu synagogue. Gai dangada gu llele mouli ga hagataba, “Go hee a taane nei ne kave ai de heiangi ma ssauaa e hai ai nei hegau nnui nei?

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Matthew 9:35

Gai Iesu ne hagadaga i denga aduhale ma mommee nnoho hugadoo, ga agoago i denga synagogue ga tala de longo danuaa o de nohoanga hodooligi o de langi, ma de hagaieiangi denga hagadaagangaa magi ma baageaa alodahi.

Matthew 9:8

Gai dangada alodahi ne gidee laa mee laa gu maatagu mmao, gai gilaadeu ga tuhi de Maadua ne gaavange laa ssauaa laumalie laa gi dangada.

Mark 1:27

Gai dangada alodahi gu llele mouli, ga hagadau pasa i olaadeu magavaa, ga hagataba, “Se aha deenei? Ni agoago hoou? Ia ne basa ange gi denga hagasaalunga baubau i ssauaa, gai gilaadeu ne hagallongo ange gi de ia.”

Mark 1:39

Gai Iesu ne hagadaga i Galilee alodahi, ga agoago i denga synagogue ma de hai gi hulo denga hagasaalunga baubau.

Mark 1:45

Aagai taane laa ne hano ga hagadele de longo laa. Gai Iesu gu dee maua i de hano gi denga aduhale e hagasula ange gi dangada soa, ia gu noho donu huu i mommee e deai dangada iai. Aagai dangada ga loomai gi ono daha i mommee alodahi.

Luke 13:10

Dahi laangi o Sabbath gai Iesu e agoago i dahi synagogue.

Luke 4:16

Ia ne hano hogi gi Nazareth, go de mommee oona ne madua ai. Gai ia ne hano gi synagogue i de laangi o Sabbath, bei ana hegau e hai i de laa tubua. Gai ia ne duu age e dau de Beebaa Dabu,