Luke 4:1 - De Beebaa Dabu

¹ Gai Iesu gu honu i de Hagasaalunga Dabu i de masavaa oona ne ahe mai ai i Jordan, gai de Hagasaalunga ne dagi ia ga kave gi de vao.

Luke 4:1 Iomraidhean Croise

1 Kings 18:12

Gai de masavaa naa donu huu oogu e hano gee mai ai i kinei, gai de Hagasaalunga o Tagi Maolunga ga kave goe gi dahi mommee aagu e dee iloo. Gai noo au e hano e tala ange au muna gi Ahab, gai ia tee gidee goe, gai ia e daa naa donu au gi magau. Gai au, doo dangada hai hegau e madagu i Tagi Maolunga, mai i dogu gauligi.

1 Kings 19:4

gai ia ne seesee i dahi laangi ga hano gi de vao. Gai ia ne gidee dahi broom, gai ia ne hano ga noho i lalo de manu laa ga dalodalo ai gi magau ia. Ia ne hai ange, “Tagi Maolunga, gu lava sili, daia donu au gi magau; go hiidinga au e dee kii ange donu i ogu dubuna madagidagi.”

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Matthew 3:16

Dua huu de babudaisi o Iesu ga ea age i lo te vai, gai tilo, gu mahuge ange de langi gi de ia, gai ia gu gidee de Hagasaalunga o de Maadua e hano iho, bei dahi manu kono ga doga ange gi ono elunga.

Luke 2:27

De Hagasaalunga ⌊Dabu⌋ ne hagangalue hogi ono lodo ia gi hano gi de temple. Gai de masavaa huu a luu maadua o Iesu ne gaamai ai tamaa gauligi e hai ange gi de ia mee gu sisi laa i de hainga,

Luke 3:3

Gai ia ne hano gi mommee alodahi i luu baasi o Jordan ga agoago ai dagodo o de babudaisi, ma de dahuli o de lodo gi maatala ai denga haisala.

Luke 3:38

Kenan go tama daane a Enos, Enos go tama daane a Seth, Seth go tama daane a Adam, gai Adam go tama daane a de Maadua.

Luke 4:14

Gai Iesu ga ahe gi Galilee i ssauaa o de Hagasaalunga ⌊Dabu⌋. Gai gu dele ono longo i denga mommee e paa ange gi kilaa.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

John 1:32

John ne tala hagadonu ga hagadaba, “Au ne gidee de Hagasaalunga ⌊Dabu⌋ e hano iho i de langi gi ono elunga, bei dagodo o de manu kono.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Acts 1:2

ga dae ai gi dono laangi ne gaavage ai gi de langi, ma dua dana tala ange gi de gau tala, go dangada aana ne hili, alaadeu mee e hai i ssauaa o de Hagasaalunga Dabu.

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 8:39

De masavaa olaau ne ea age ai i lo te vai, gai de Hagasaalunga o Tagi Maolunga ga kave gee a Philip, gai de eunuch laa gu dee gidee e ia a Philip. Gai ia ga hagasoe ga hano i dono haiava gu malangilangi mmao.