Luke 3:9 - De Beebaa Dabu

⁹ Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.”

Luke 3:9 Iomraidhean Croise

Ezekiel 31:18

Gai gu dahi ange laa manu somo o Eden, e bei dagodo o doo mahamaha aama doo maolunga? Koe e hano iho naa donu madali denga manu ssomo o Eden, gi de mommee o de gau maakau; koe e dagodo naa madali dangada tigi tuu dagaholiage, ma gilaadeu ne daia laa ga maakau i de gadilaasa. Aanei dagodo o Pharaoh ma ono hagabuulinga hebagi soa, go de Ia Aamua go Iahweh e hagadaba.”

Daniel 4:14

Gai ia ne hagadaba i de leo mmahi, ‘Selea iho de manu somo naa ma gi duuduudia ono laa; gai hagihagia ono lau ma de hagassii saele ono hua. Gai dugia gi hulo denga manu dolodolo i ono lalo ma manu llele i honga ono laa.

Daniel 4:23

Gai koe, de hodooligi, ne gidee dahi dangada de langi dabu, gai se ia dagitilo, ne hano iho i de langi ga hagadaba, ‘Selea iho de manu somo laa ma gi duuduudia, aagai dugua tahido ma ono aga i lo te gelegele, gai noodia i iron ma bronze, ga dugu gi dagodo ai i lodo helii i lo te duu malaelae. Gai dono angaanga gi ssui i de mee suungia o de langi, gai ia gi noho madali denga manu aada i lodo henua, ga dae ai gi de odi ange de hidu masavaa.’

Matthew 3:10

Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.

Matthew 7:19

Manu ssomo alodahi e dee maua gi hhua e sele donu ga tili ange gi lo te ahi.

Luke 13:6

Iesu ne tala ange hogi gi dangada de mee hagasengasenga nei: “E dahi daane ne doo dahi fig i dana veelenga. Gai ia ne hano e sala hua i de manu laa gai teai ana mee ne gide ai.

Luke 13:7

Aagai ia ne hai ange gi tangada e diiloo ange de veelengaa grape, ‘Gu dolu ngadau oogu ne aheahe mai ai e sala hanu hua i de fig nei, gai au tee gidee hanu. Selea iho! Gu aha gu dugu ai de manu naa e hagamuimui ai de gelegele nei?’

Luke 13:9

Aagai noo e hua i de ngadau e humai nei, gai gu danuaa; aagai noo e deai, gai koe ga sele iho.’ ”

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.

Hebrews 10:28

Tangada tee daudali laa i hainga a Moses ne daa donu ga magau, gai tee degi ange donu noo ne dogolua be ne dogodolu dangada ne tala hagadonu.

Hebrews 12:29

go hiidinga taadeu Maadua e bei de ahi ula e duungia mee alodahi.