Luke 3:16 - De Beebaa Dabu

¹⁶ Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

Luke 3:16 Iomraidhean Croise

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Isaiah 32:15

ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Isaiah 4:4

Gai de Ia Aamua laa e hagagilimalali naa denga mee hakino gee o denga haahine o Jerusalem; ia e hhui naa denga dodo e baalau laa i Jerusalem i de hagasaalunga e hagamodu ina laa muna i de ahi.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

John 1:26

John ne basa ange, ga hai ange, “Au e babudaisi i vai, gai e dahi dangada e duu i oodou magavaa gai goodou tigi iloo.

John 1:27

Ia e humai i ogu dua, gai au e dee bau ange i de tala mee e noonoa ai ono mee vae.”

John 1:33

Gai au tee madea ia i de masavaa laa, gai de Maadua ne haia nei au gi humai gi babudaisi ina dangada i vai ne hai mai gi de au, ‘Tangada aau e gidee de hano iho o de Hagasaalunga ga noho i ono elunga, deenei de ia e babudaisi ina dangada i de Hagasaalunga Dabu.’

John 7:38

Be goai e gai mai gi de au, gai ia e bei muna a de Beebaa Dabu gu tala laa, ‘Denga saalingaa vai o de mouli e ssali mai i ono lodo.’ ”

Acts 1:5

Go hiidinga a John ne babudaisi i vai; gai e dee mmule naa donu gai goodou gu babudaisi i de Hagasaalunga Dabu.”

Acts 10:44

De masavaa a Peter e tala ange ai muna laa gi gilaadeu, gai de Hagasaalunga Dabu gu hano iho gi honga o dangada alodahi ne langona muna laa.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

1 Corinthians 12:13

Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.