Luke 24:44 - De Beebaa Dabu

⁴⁴ Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Luke 24:44 Iomraidhean Croise

Genesis 14:18

Gai Melkizedek, de hodooligi o Salem ne humai hogi ga gaamai hanu pelaoaa ma hanu uvaini. Taane nei go tangada haimeedabu o de Maadua Maolunga Mmao laa.

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Psalm 118:22

De hadu a de gau hagatuu hale ne hagangadi mee gu hai go de hadu i tege.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Isaiah 52:13

Tilo, dogu dangada hai hegau e hai hegau naa i de iloo mee; ia e hagaamua ina naa, ma de hagadubulia, ma de maolunga mmao.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Jeremiah 33:14

Tilo, e tae mai naa laangi, go Tagi Maolunga e hagadaba, aagu e hagassula ai dagu hagatoo donu danuaa ange gi dangada o Israel ma dangada o Judah.

Ezekiel 17:22

E hagadaba de Ia Aamua go Iahweh: Au e hhadi naa hogi dahi laa mai i de ulu o de manu somo go de cedar ga kave, au e hhadi naa dahi laa gauligi i de ulu, ga kave ga doo i de ulu o dahi mounga maolunga.

Ezekiel 34:23

Au e hili naa dahi dangada hagaloosi gi diiloo ange gilaadeu, go dogu dangada hai hegau go David, gai ia ga tilo ange ai gilaadeu, ga haangai ma de hagaloosi ange gilaadeu.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zechariah 14:4

De laangi laa gai ia e duu naa i honga de Mounga o denga Olive, i baasi i dua o Jerusalem, gai de Mounga o denga Olive e mahanga lua naa mai i dua ga sao i dai, ga hai ai dahi geelonga laumalie mmao. Dahi luu baasi o de mounga e ngalue naa gi ngaiho, gai de baasi ange laa e ngalue gi ngaage.

Zechariah 6:12

Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Numbers 21:8

Gai Tagi Maolunga ga hai ange gi Moses, “Haia dahi labodo i bronze hagalau ina ange gi ulu dahi laagau; gai de masavaa naa huu o dahi dangada e gaadia ai, gai ia ga galo ange ga tilo de labodo bronze laa, gai ia e dee magau.”

Numbers 35:25

Gai de hagabuulingaa dangada gi buibuia tangada ne daia tangada ga magau, mai i tangada e lodo e suuia ange dana hegau ne hai. Gilaadeu gi hagaahea tangada ne daia laa dahi dangada ga magau, gi de aduhale hagaola oona ne savini laa ga hano aagena. Gai ia gi noho i kilaa, ga dae ai gi de magau o tangada haimeedabu maolunga ne hagadabu laa i de lolo dabu.

Matthew 1:22

Mee nei alodahi ne hai e hagassula ai muna a Tagi Maolunga gu tala laa i daho de pelaabisi,

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

Matthew 26:54

Aagai dee hee ai naa de hai e hagassula ai muna a de Beebaa Dabu, gu tala laa bolo e hai donu?”

Matthew 26:56

Aagai mee nei alodahi ne hai e hagassula ai muna a denga pelaabisi gu sisi laa i de Beebaa Dabu.” Gai ana dangada agoago alodahi ga tili ia gai ga saavini ga hulo.

Mark 9:31

go hiidinga ia e agoago ange ana dangada agoago i de masavaa laa. Gai ia ne hai ange gi gilaadeu: “Tama a Tangada gu dai gaavange naa gi ssauaa o dangada, gai gilaadeu e daa naa ia gi magau. Aagai dua naa huu e dolu laangi gai ia gu mouli age.”

Luke 21:22

Gai aanei laangi o de hagaduasala e hagassula ai mee alodahi gu lava laa i de sisi.

Luke 22:37

Au e hai adu gi goodou, muna a de Beebaa Dabu nei e hagassula donu i ogu daha: ‘Ia gu dau madali de gau haisala.’ Gai mee gu sisi laa ma gu tala ai ogu dagodo e hagassula donu.”

Luke 24:46

Gai ia ga hai ange gi gilaadeu, “Gu sisi e hai ange: Klisdo e hagaduasala donu, gai ia e mouli age naa i de hagadolu laangi,

Luke 9:22

Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”

Luke 9:44

“Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.”

John 3:14

Moses ne hagaduu age de labodo i de vao, gai Tama a Tangada e hagaduu age naa hogi,

John 5:39

Goodou e kana ange ma e dau de Beebaa Dabu, i hiidinga goodou e maanadu bolo go muna nei oodou e maua ai de mouli e dee ngado mai. Gai go muna nei donu e daalaa hagadonu ogu dagodo,

John 5:46

Noo goodou e hagadonusia Moses, gai goodou e hagadonusia hogi au, go hiidinga ia ne sisi ogu dagodo.

Acts 13:33

ia gu hagassula donu i odaadeu daha, denga dama, i dana hagamouli age Iesu. Bei de hai gu sisi ai laa i de lua Psalm: ‘Go koe dagu Dama Daane; anailaa nei gai go au doo Damana.’

Acts 13:40

Deenei ai, goodou dagidiiloo gi dee tuu adu gi goodou mee a denga pelaabisi gu tala laa,

Acts 2:27

Go hiidinga koe e dee tili naa donu au i de mommee o de gau maakau, be e dugu ange de angaanga o dau Ia Dabu gi bobo.

Acts 3:18

Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa.

Acts 7:37

Deenei de Moses ne hai ange laa gi de gau Israel, ‘De Maadua e hagasula age naa dahi pelaabisi moodou bei ogu dagodo.’

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.

Hebrews 3:5

Gai Moses se dangada hai hegau ne hai hegau i de muna abodonu i de hale alodahi o de Maadua; ia ne tala hagadonu dagodo o mee e tala i muli mai.

Hebrews 7:1

Gai taane nei go Melkizedek, go de hodooligi o Salem, ma tangada haimeedabu o de Maadua Maolunga Mmao, ne humai ga hedae ange gi Abraham i dua dana hagadee kii denga hodooligi dogohaa laa, gai ia ne hagamanuuia Abraham,

Hebrews 9:8

De Hagasaalunga Dabu e hagaago mai i de mee nei, bolo de abaaba e ulu ai gi de Aabi Dabu mmao laa tigi hhuge donu, i taulooloa de duu o de hale malo e hagaduu laa i taamada.

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.