Luke 24:41 - De Beebaa Dabu

⁴¹ De masavaa alaadeu tigi maua ai i de hagadonu mee laa i hiidinga delaadeu malangilangi ma de llele mouli, aagai Iesu ga ssili ange gi gilaadeu, “E hanu nei oodou gai i kinei?”

Luke 24:41 Iomraidhean Croise

De Beebaa go Job 9:16

Noo au e hagahi ia, gai ia ga basa mai, gai au e dee gai naa donu bolo ia e hagallongo agu muna.

Mark 16:11

Aagai de masavaa alaadeu ne langona ai bolo Iesu gu mouli age, gai Mary gu gidee ia, gai gilaadeu tee hagadonusia ana muna.

Mark 16:13

Gai gilaau ne aahe ga hulo ga tala ange gi olaau soa ange laa, aagai gilaadeu tee hagadonusia hogi alaau muna.

Mark 16:14

Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.

Mark 8:7

Gai e hia hogi mamu vaaligiligi. Gai Iesu ne hagamanuuia hogi mee laa, ga hagadaba bolo gi duuhaa ange gi dangada.

Luke 24:11

Aagai gilaadeu tee hagadonusia muna a denga haahine laa, i hiidinga gilaadeu ne maanadu bolo ni ngadi muna donu huu.

Luke 24:40

Gai ga lava huu i dana tala ange de mee nei, gai ia ga hagaago ange luoono lima ma luoono vae gi gilaadeu.

Luke 24:42

Gai gilaadeu ga gaavange dahi dibaa mamu dunu gi de ia,

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

John 21:5

Gai Iesu ga hagahi gilaadeu ga hai ange, “Denga gauligi, gu hanu naa oodou mamu ne mau?” Gai gilaadeu ga hai ange gi de ia, “Tigi ai donu.”

Acts 12:14

Gai ia gu madea de leo o Peter, gai ia tee hhuge de haitoga i hiidinga de kona dono malangilangi. Gai ia ga savini gi lo te hale ga tala ange gi dangada bolo Peter gu duu i gaogao de haitoga o de buibui.