Luke 24:27 - De Beebaa Dabu

²⁷ Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

Luke 24:27 Iomraidhean Croise

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

Genesis 26:4

Gai au e hai naa oo hagadiilinga gi soa, bei de lagolago o denga heduu i lo te langi i lunga, ma de gaavange gi gilaadeu de henua nei alodahi. Gai denga huaahenua alodahi o henua i lalo e manuuia naa i hiidinga o doo hagadiilinga,

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Psalm 132:11

Tagi Maolunga ne hagatoo donu ange gi David i de muna abodonu, gai ia e dee sui naa donu dana hagatoo donu: “Au e hai naa dahi oo hagadiilinga gi noho i honga doo nohoanga hodooligi.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Isaiah 9:1

Gai e deai naa donu se gohu i daho dangada e hai ngadaa laa. I mua gai ia ne hagangadi mee de henua o Zebulun ma de henua o Naphtali, aagai muli mai naa huu gai ia e hagadubu Galilee o denga Gentile, go de mommee i gaogao tai, i de baasi laa o Jordan.

Ezekiel 34:23

Au e hili naa dahi dangada hagaloosi gi diiloo ange gilaadeu, go dogu dangada hai hegau go David, gai ia ga tilo ange ai gilaadeu, ga haangai ma de hagaloosi ange gilaadeu.

Ezekiel 37:25

Gilaadeu e nnoho naa i honga de henua aagu gu gaavange gi dogu dangada hai hegau go Jacob, go de henua o oodou dubuna nogo nnoho ai, gai gilaadeu ma alaadeu dama e nnoho ai naa ga hano ai, gai dogu dangada hai hegau go David e hodooligi naa i olaadeu elunga ga hano ai.

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Micah 5:6

gi dagina de henua go Assyria i de gadilaasa, ma de henua o Nimrod i de gadilaasa. Ia e hagaola naa gidaadeu mai i de gau Assyria i dono masavaa e gage mai ai gi honga taadeu henua ma de humai gi lodo odaadeu goinga.

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Numbers 21:14

Deelaa ai, gu sisi i de Beebaa o denga hebagi a Tagi Maolunga, e hai ange, “Waheb i Suphah, ma denga geelonga o Arnon,

Mark 4:34

Ia ne agoago ange donu huu dangada i denga mee hagasengasenga. Aagai de masavaa naa huu oona gu noho ai madali ana dangada agoago, gai ia ga hagadonu ange mee alodahi gi gilaadeu.

Luke 24:25

Gai Iesu ga hai ange gi gilaau, “Goodou ni dangada llodo ssenga, aama de mmule doodou hagadonusia mee alodahi a denga pelaabisi gu tala!

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

John 5:37

Gai Tamana ne haia nei au gi humai gu tala hagadonu hogi ogu dagodo. Aagai tigi ai donu soodou langona dono leo, aabe gu gidee ono hoolinga,

John 5:39

Goodou e kana ange ma e dau de Beebaa Dabu, i hiidinga goodou e maanadu bolo go muna nei oodou e maua ai de mouli e dee ngado mai. Gai go muna nei donu e daalaa hagadonu ogu dagodo,

Acts 10:43

Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”

Acts 3:18

Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa.

Acts 3:22

Moses ne hagadaba, ‘Tagi Maolunga, doodou Maadua, e hagasula age naa dahi pelaabisi mai i magavaa o oodou dangada bei ogu dagodo. Gai goodou hagalaangona mee alodahi aana e tala adu gi goodou.

Acts 3:24

Gai denga pelaabisi alodahi mai i Samuel, ma gilaadeu ne loomai i ono dua, ne tala dagodo o denga laangi nei.

Acts 7:37

Deenei de Moses ne hai ange laa gi de gau Israel, ‘De Maadua e hagasula age naa dahi pelaabisi moodou bei ogu dagodo.’

Acts 8:35

Gai a Philip ga daamada i de mommee aana ne dau laa, ga agoago ange ia i de longo danuaa o Iesu.

Deuteronomy 1:45

Gai goodou ne aahe mai ga nnoho ga tangi i mada luu mada o Tagi Maolunga, gai ia tee anga adu donu gi doodou tangi, aabe ne hagallongo oodou muna.

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.