Luke 23:49 - De Beebaa Dabu

⁴⁹ Aagai dangada alodahi e iloo laa Iesu, aama denga haahine ne daudali mai i de ia i Galilee e tuu, i de mommee mmao ma e tilo mai ai mee gu hai laa.

Luke 23:49 Iomraidhean Croise

De Beebaa go Job 19:13

Ia gu hai ogu daina ma gu hulo gee mai i de au; gai ogu soa gu hai au be se dangada henua gee.

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Psalm 38:11

Ogu soa ma gilaadeu e heloongoi mai gu dee aanga mai gi de au i dogu magi, gai dangada e paa mai gu hagammao gee i de au.

Psalm 88:18

Koe gu hai ogu soa ma ogu soa hagaaloha gi dee aanga mai gi de au; go de gohu donu huu dogu soa.

Matthew 27:61

Gai Mary Magdalene ma de Mary ange laa i kilaa hogi, gilaau e nnoho i dahi mommee i de baasi gee o taanunga.

Mark 15:47

Gai Mary Magdalene ma Mary tinana o Joses ne gidee e gilaau de mommee ne hagadagodo ai de angaanga o Iesu.

Luke 23:27

Gai dahi hagabuulingaa dangada soa ne daudali ange i de ia, madali denga haahine e hinangalosaa laa ma de tangi i ono hiidinga.

Luke 23:55

Gai denga haahine ne daudali mai laa i Iesu i Galilee ne hulo madali Joseph ga gidee ai e gilaadeu, de mommee iai taanunga ne hagadagodo ai de angaanga o Iesu.

Luke 8:2

gai e hanu hogi haahine ne hai ga hulo gee denga hagasaalunga baubau mai i olaadeu daha ma de hagaieiangi mai i denga magi ne hulo madali gilaadeu: Mary (dahi ono ingoo laa go Magdalene), deenei de hine ne hulo gee mai i ono daha e hidu hagasaalunga baubau;