Luke 23:40 - De Beebaa Dabu

⁴⁰ Aagai taane ange laa ga hagasee dono soa, ga hai ange, “Koe e dee madagu naa donu i de Maadua, i hiidinga koe ne hagamodu oo muna e hagaduasala bei dagodo o taane nei?

Luke 23:40 Iomraidhean Croise

2 Chronicles 28:22

Gai dono masavaa ne hai ngadaa ai, gai de hodooligi go Ahaz gu kii ange donu dono dee hai hegau ange gi Tagi Maolunga i de muna abodonu.

Psalm 36:1

De haisala e basa ange gi lodo o tangada baubau. Gai e deai donu se madagu o de Maadua i ono daha.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

Matthew 20:9

Dangada ne loomai laa ga hai hegau i de lima i de ahiahi ne loomai ga kave olaadeu hagaoanga, dahi ma dahi ne kave e dahi denarius.

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

Luke 12:5

Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia!

Luke 23:39

Gai dahi luu daane ne oohaa de hainga e daudau laa madali ia ne hagammae manava ia, ga hai ange, “E aha, e dee go koe de Klisdo? Hagaola ina goe aama gimaau!”

Luke 23:41

Gidaau e heohi donu taau kave de hagaduasala nei, e hagao ai adaau hegau baubau. Gai taane nei teai donu sana mee dee heohi daudahi ne hai.”

Ephesians 5:11

Goodou aude haia hegau o lo te gohu e deai laa haigamaiana, aagai goodou gaamai mee nei gi de maalama.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

Revelation 16:11

ma de pasa baubau i de Maadua o de langi i hiidinga delaadeu mmae aama hiidinga o olaadeu maanuga. Aagai gilaadeu tee daahuli donu olaadeu lodo e hulo gee i alaadeu hegau baubau.