Luke 23:34 - De Beebaa Dabu

³⁴ Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Luke 23:34 Iomraidhean Croise

Genesis 50:17

‘Goodou hai ange gi Joseph: Aude haihaia degi ange gi haisala o oo daina, i hiidinga baubau alaadeu ne hai adu gi de goe.’ Gai iainei gimaadeu e dangidangi adu koe gi degi mai gi haisala o de gau hai hegau o de Maadua o doo damana.” Gai Joseph gu dangi i dana langona alaadeu muna ange gi de ia.

Psalm 22:18

Gilaadeu gu vaevae ogu malo i olaadeu magavaa, ma de hai tada e tilo ai be goai e gaavee dogu malo.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Matthew 11:26

Uaa, Tamana, aanei donu oo lodo.

Matthew 5:44

Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou,

Mark 15:24

Gai gilaadeu ne daudau ia i de laagau lui i kilaa. Gai ga vaevae ono malo i olaadeu magavaa; gilaadeu ne dada ga tilo ai be aahee mee a dahi ma dahi e kave.

Luke 22:42

ga hai ange, “Tamana, noo koe e lodo, gai gaavee gee de ubu nei mai i ogu daha. Aagai e dee go ogu lodo e hai, gai go oo lodo.”

John 17:9

Au e dalodalo i gilaadeu; au e dee dalodalo i henua i lalo, aagai e dalodalo i gilaadeu aau gu gaamai gi de au, i hiidinga gilaadeu niiau donu.

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Acts 16:28

Gai Paul ne basa ange gi de ia i de leo laumalie, ga hai ange, “Aude hagalagohia ina goe! Go hiidinga gimaadeu alodahi e nnoho i kinei!”

Acts 3:17

Denga daina, au e iloo bolo goodou ma oodou dagi ne hai de mee nei i hiidinga doodou dee tonu.

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Romans 12:14

Hagamanuuia ina gilaadeu e vaivai haia goodou; goodou hagamanuuia ina dangada, e dee hagamalaia gilaadeu.

1 Corinthians 2:8

Gai e deai donu se dagi o de masavaa go iainei e donu ange gi de mee nei. Noo gilaadeu ne tonu ange aagena, aagai gilaadeu tee daudau Tagi Maolunga mahamaha laa i de laagau lui.

1 Corinthians 4:12

Gimaadeu e hai hegau kona i omaadeu lima. De masavaa a dangada e hagamalaia ai gimaadeu, gai gimaadeu e hagamanuuia gilaadeu; de masavaa omaadeu e vaivai haia ai, gai gimaadeu e llodo mmahi;

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.