Luke 23:22 - De Beebaa Dabu

²² Aagai Pilate ga ssili ange gi gilaadeu i tolu hanonga, “Gai se baubau aha donu a taane nei gu hai? Au tee gidee dahi mee daudahi e heohi ai dono daa gi magau! Deenei ai, au ga hagaduasala nei ia i mua dagu dugu ia gi hano.”

Luke 23:22 Iomraidhean Croise

Luke 23:14

ga hai ange gi gilaadeu, “Goodou ne gaamai taane nei gi de au bolo se daane e haia dangada gi hai baasi mai. Gai au gu ssili ono dagodo i oodou mada i mua, gai tilo, au tee gidee dahi mee daudahi o taane nei e haisala ai i oodou mee e hagabaubau ai ia.

Luke 23:16

Deenei ai, au ga hagaduasala nei ia i mua dagu dugu ia gi hano.” [

Luke 23:20

Gai Pilate ne basa ange hogi gi gilaadeu, i dono lodo e hagaola Iesu.

Luke 23:21

Aagai gilaadeu tee helui donu de hevaalogi ga hai ange, “Daudau ina ia i de laagau lui! Daudau ina ia i de laagau lui!”

Luke 23:23

Aagai gilaadeu ga kii ange donu de usuusu ange ia ma de hevaalogi ga hai ange bolo gi daudau ina ia i de laagau lui, gai gu sula de mee olaadeu e hevaalogi ai laa.

Luke 23:4

Gai Pilate ga hai ange gi de gau haimeedabu maolunga ma dangada soa, “Au e dee gidee dahi mee daudahi e hagabuu ange ai ssala gi taane nei.”

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;