Luke 23:2 - De Beebaa Dabu

² Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

Luke 23:2 Iomraidhean Croise

1 Kings 18:17

De masavaa a Ahab ne gidee ai Elijah, gai Ahab ga hai ange gi de ia, “E aha, deenaa goe, tangada e haia ga hai ngadaa de gau Israel?”

Psalm 35:11

De gau tala hagadonu hadu muna e hagabaubau au; gilaadeu e ssili mai gi de au mee aagu e dee iloo.

Psalm 62:4

Gilaadeu gu nnoho e aau gee ia mai i dono duulanga maolunga; gilaadeu e malangilangi i denga muna hhadu. Gilaadeu e hagamanuuia dangada i alaadeu muna, aagai olaadeu lodo e hagamalaia gilaadeu. Selah

Jeremiah 20:10

Au e langona dangada soa e hagadau musumusu, De mee hagamaatagu gu i mommee alodahi! “Gaavange ia! Gaavange ia gi de hainga!” Ogu soa alodahi e dagitilo de masavaa oogu e haisala ai, gai gilaadeu ga hagataba, “Kana adu ia e hagasengalia naa; gai gidaadeu ga hagadee kii ia ma de sui ange ana mee ne hai.”

Jeremiah 38:4

Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”

Amos 7:10

Gai Amaziah tangada haimeedabu o Bethel ne aalu gi Jeroboam de hodooligi o Israel, ga hai ange, “Amos gu noho e hai baasi adu gi de goe i honga de henua go Israel. Gai de henua gu dee llodo i ana muna alodahi e tala.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Matthew 17:27

Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater i lo tono ngudu. Gai koe ga kave ga gaavange gi gilaadeu e hagao ai odaau taagisese.”

Matthew 22:21

Gilaadeu ne hai ange gi de ia, “Niio Caesar.” Iesu ne hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”

Matthew 27:11

De masavaa o Iesu e duu ai i mada i mua o de goobenaa, gai de goobenaa ne ssili ange gi de ia, “Go koe de Hodooligi o de gau Ssuu?” Iesu ne hai ange, “Deenaa aau e hagadaba ai naa.”

Mark 12:17

Gai Iesu ga hai ange gi gilaadeu, “Gaavange gi Caesar mee a Caesar, gai gaavange gi de Maadua mee a de Maadua.” Gai gilaadeu gu llele mouli i ana muna.

Mark 15:2

Gai Pilate ne ssili ange gi Iesu, “Go koe de Hodooligi o de gau Ssuu?” Iesu ne hai ange gi de ia, “Deenaa aau e tala mai naa.”

Luke 23:14

ga hai ange gi gilaadeu, “Goodou ne gaamai taane nei gi de au bolo se daane e haia dangada gi hai baasi mai. Gai au gu ssili ono dagodo i oodou mada i mua, gai tilo, au tee gidee dahi mee daudahi o taane nei e haisala ai i oodou mee e hagabaubau ai ia.

Luke 23:5

Aagai gilaadeu ga usuusu ange ia, ga hai ange, “Ia e hai gi hagahellumi dangada i Judea alodahi i ana agoago. Ia ne daamada de hai mee nei i Galilee, gai ia gu humai hogi gi kinei.”

John 18:29

Gai Pilate ga sao mai ga hai ange gi gilaadeu, “Se aha oodou e hagabaubau ai taane nei?”

John 18:30

Gilaadeu ne hai ange gi de ia, “Noo taane nei tee hai de baubau, gai gimaadeu tee gaamai donu ia gi de goe.”

John 19:12

De masavaa laa gai Pilate gu hagatale de hagaola ai Iesu, aagai de gau Ssuu ne hevaalogi ga hai ange, “Noo koe e hagaola taane nei, gai koe e dee se soa niio Caesar; tangada e hagadaba bolo ia se hodooligi e hai baasi ange donu gi Caesar.”

Acts 24:13

Aagai ogu hagadaumee e dee maua hogi i de hai gi too donu mee alaadeu e hagabaubau adu ai nei au gi de goe.

Acts 24:5

Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

Romans 13:7

Hagao ina mee alodahi oodou e muli ange ai gi dangada: e dee hilihili be go taagisese, be go taagisese o denga goloa ma alahenua, aabe go de hagadubu.