Luke 22:37 - De Beebaa Dabu

³⁷ Au e hai adu gi goodou, muna a de Beebaa Dabu nei e hagassula donu i ogu daha: ‘Ia gu dau madali de gau haisala.’ Gai mee gu sisi laa ma gu tala ai ogu dagodo e hagassula donu.”

Luke 22:37 Iomraidhean Croise

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Mark 15:27

Gai ne dogolua hogi daane gaiaa ne daudau i olaau laagau lui madali ia, dahi i dono baasi madau, gai dahi i dono baasi masui. [

Mark 15:28

Gai gu hagassula muna a de Beebaa Dabu gu tala laa e hai ange, “Ia ne daudau madali de gau gaiaa.”]

Luke 18:31

Iesu ne hagahi hogi tinoangahulu ma dogolua, ga hai ange gi gilaadeu, “Tilo, gidaadeu ga hulo gi Jerusalem, gai mee alodahi gu sisi laa i daho denga pelaabisi i dagodo o Tama a Tangada e hagassula naa donu.

Luke 22:22

Tama a Tangada e hano donu bei de hai gu hagamodu ai, gai e vakaa naa donu tangada e gaavange ia!”

Luke 22:36

Ia ne hai ange gi gilaadeu, “Aagai iainei, noo tangada e dahi ana mee hhao sseene gai ia gi gaavee, e bei ai hogi dana beagi hhao goloa. Gai tangada e deai sana gadilaasa, gi hagao ina gi daha dono malo laa daha ga hagao ai dahi gadilaasa.

Luke 22:52

Iesu ne hai ange hogi gi de gau haimeedabu maolunga, ma de gau hagaloosi o de temple, aama denga dagi ne loomai laa e boogia ia, “Goodou e loomai naa ma denga gadilaasa ma laagau hebagi e hebagi ange gi dahi bei dagodo o tangada gaiaa ma de daa dangada.

Luke 23:32

Gai ne dogolua hogi daane ne oohaa de hainga, ne kave madali ia ga daa gu maakau.

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

John 10:35

Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

John 17:4

Au ne hagamahamaha goe i henua i lalo, i dagu hagalava de hegau aau ne gaamai au gi haia.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —