Luke 22:29 - De Beebaa Dabu

²⁹ gai au e gaavadu naa gi goodou dahi nohoanga hodooligi, bei de hai a dogu Damana gu gaamai ai laa hogi gi de au dahi nohoanga hodooligi,

Luke 22:29 Iomraidhean Croise

Matthew 24:47

Ni muna abodonu aagu e hai adu nei gi goodou, tangada aamua e hai naa ia go tagi o ana mee alodahi.

Matthew 25:21

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Matthew 5:10

E manuuia gilaadeu e vaivai haia i hiidinga o de mee heohi; niiolaadeu de nohoanga hodooligi o de langi!

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Luke 19:17

Ia ne hai ange gi de ia, ‘E danuaa, koe se dangada hai hegau danuaa. Go hiidinga koe e kana ange gi de mee damaa mee, au e hai goe gi dagina e madaangahulu aduhale.’

1 Corinthians 9:25

Dangada alodahi e hagadau gaavange i denga hagadahao, e hagaduu ngae e hai gi aabo ange gilaadeu. Gilaadeu e hai mee nei e kave ai de hau e dee maua laa gi dagodo daulooloa, aagai gidaadeu e hai de mee nei e kave ai de hau e dagodo laa ga hano ai.

2 Corinthians 1:7

Gai demaau tali hagalodolodo i oodou hiidinga e dee ngalungalue donu, go hiidinga demaau iloo bolo goodou e hagaduasala hogi madali gimaau, aama de hagaaneane ina oodou lodo madali gimaau.

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.

Revelation 21:14

Gai de buibui o de aduhale laa e madaangahulu ma lua ono dagelo, gai honga denga dagelo laa e sisi ange aagena ingoo o de gau tala a Ssiibi Gauligi e dinoangahulu ma dogolua.