Luke 22:27 - De Beebaa Dabu

²⁷ Goai tangada maolunga, go tangada e hakaogao laa i teebele aabe go de ia e gaamai gai gi teebele? Gidaadeu e iloo bolo go de ia e hakaogao laa ma e gaimee. Aagai au e noho i oodou magavaa bei dagodo o tangada hai hegau.

Luke 22:27 Iomraidhean Croise

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Luke 12:37

E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.