Luke 21:24 - De Beebaa Dabu

²⁴ Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Luke 21:24 Iomraidhean Croise

Genesis 34:26

Gai gilaau ne daa hogi Hamor, ma Shechem, dana dama daane, gai ga kave Dinah mai i de hale o Shechem ga hulo ai.

Exodus 17:13

Gai Joshua ne daa ga maakau Amalek ma ono dangada i de gadilaasa.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Isaiah 63:18

Oo dangada ne kave doo mommee dabu i dahi masavaa bodobodo, aagai iainei omaadeu hagadaumee gu oha doo mommee dabu.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Isaiah 66:19

Au e hagaduu ange naa dahi hagailonga i olaadeu magavaa, ma de hai hanu gilaadeu ne ola gi hulo gi denga huaahenua: go Tarshish, ma Put, ma Lud, go dangada e mmau i de tili mee hholu, ma Tubal ma de gau Greek, ma mommee i tagudai tigi langona e gilaadeu ogu longo aabe gidee dogu mahamaha. Gilaadeu e tala ange gi denga huaahenua dagodo o dogu mahamaha.

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Daniel 12:7

Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Daniel 8:13

Gai au ne langona dahi dangada de langi dabu e basa laa, gai dahi dangada de langi dabu ange laa ne ssili ange gi de ia, “Dee hee maa de masavaa e hagasula ai de midi o denga sigidaumaha dudu i de laa tubua, ma de haisala e haia laa ga ngadi dagodo de mommee dabu laa, aama de dagadagahia o de hagabuulinga hebagi laa?”

Daniel 9:27

Gai ia e hai naa dahi hagatoo donu hagaheloongoi makaga madali dangada soa i e dahi uvigi. Gai ga madohi lua naa huu de uvigi laa, gai ia ga tuu gi dee hai denga sigidaumaha dudu ma sigidaumaha ange laa, gai ia e hagaduu naa dahi mee hakino gee i de bido o de temple, e haia laa ga ngadi dagodo de mommee, ga dae ai gi dono hagaodi bei de hai gu hagamodu ange ai laa gi de ia.”

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Luke 21:25

“Gai e hai naa denga hagailonga i lo te laa ma lo te maasina aama denga heduu. Gai e hai ngadaa naa ma teai se tali a denga huaahenua i henua i lalo, i de masavaa e haganngolo ai de moana ma de beabeau o de moana.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Hebrews 11:34

ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.