Luke 21:21 - De Beebaa Dabu

²¹ Dangada e nnoho i Judea gi saavini gi hulo gi denga mounga; dangada e nnoho i lo te aduhale gi ssao gi hulo gee, gai dangada e nnoho i tua de aduhale gi dee ulu gi lodo.

Luke 21:21 Iomraidhean Croise

Genesis 19:17

Gai ga lava huu i delaau kave gilaadeu gi tua de aduhale, gai dahi gilaau ga hai ange, “Goodou saavini hulo gee gi ola ai goodou! Gai goodou e dee kalo dua donu aabe e nnoho i de mommee e soe! Gai saavini hulo gi denga mounga kana maakau goodou.”

Genesis 19:26

Aagai de bodu o Lot ne huli dua, gai ia gu makaga ga bei dagodo o dahi duludulu soolo.

Proverbs 22:3

Tangada maanetonu e mmuni i de masavaa aana e gidee ai de mee hagamanavasaa, aagai tangada lodo senga e hagassoe donu huu i dono haiava, gai ia e duasala ai naa donu.

Jeremiah 35:11

Aagai de masavaa huu o Nebuchadnezzar, de hodooligi o Babylon ne humai ai ga hebagi ange gi de henua, gai gimaadeu ne hagataba, ‘Loomai, gidaadeu ga hulo gi Jerusalem i hiidinga gidaadeu e maatagu i de hagabuulinga hebagi o de gau Babylon, ma de hagabuulinga hebagi o de gau Syria.’ Aanei omaadeu mee gu nnoho ai nei i Jerusalem.”

Jeremiah 37:12

gai Jeremiah ne sao i Jerusalem e hano gi de vaaenga o Benjamin, e kave ai dono duuhanga mai i daho dangada i kilaa.

Jeremiah 6:1

“Dangada o Benjamin, goodou saavini mage hulo mmuni! Gai saavini hulo gee mai i Jerusalem! Ilihia de hanga manu i Tekoa! Gai dahu ina dahi ahi hagailonga i honga o Beth Hakkerem! Go hiidinga de hai ngadaa gu humai i ngaiho, gai se mee e haia de oha laumalie.

Numbers 16:26

Gai ia ga hai ange gi de hagabuulingaa dangada, “Goodou hagamoolau ngaalue gee mai, i de mommee iai hale malo o denga daane baubau nei! Goodou e dee poo ange gi hanu olaadeu goloa, gi dee maakau ai goodou, i hiidinga olaadeu haisala.”

Matthew 2:1

Dua de haanau o Iesu i Bethlehem, go dahi aduhale o Judea, i de masavaa o de hodooligi go Herod, gai tilo, hanu daane heiangi ne loomai gi Jerusalem i baasi i dua,

Matthew 24:16

“gai dangada i Judea gi saavini gi hulo gi denga mounga.

Mark 13:15

Tangada i tua de hale gi dee iho, aabe gi ulu i dono hale gi gaavee ai dahi mee daudahi.

Revelation 18:4

Gai au ne langona ange hogi dahi leo mai i de langi, e hagadaba, “Ogu dangada, goodou ssao hulo gee mai i ono daha, gi dee gaavee ai goodou ono haisala, gai gi dee tae mai ai denga mee hagamaakau gi goodou;