Luke 21:15 - De Beebaa Dabu

¹⁵ Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

Luke 21:15 Iomraidhean Croise

Proverbs 2:6

I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Jeremiah 1:9

Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.

Ezekiel 29:21

De laangi laa gai au e hai naa gi somo age dahi hanga mmahi moo de gau Israel, gai au e hai naa goe gi basa ange gi gilaadeu. Gai gi iloo ai e gilaadeu bolo go au donu go Iahweh.”

Luke 12:12

Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”

Luke 21:16

Oodou maadua, ma oodou dama, ma oodou dangada, aama oodou soa e gaavange naa goodou gi de hainga; gai hanu goodou e daa naa ga maakau,

Luke 24:45

Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu.

Acts 2:4

Gai gilaadeu alodahi gu hoohonu i de Hagasaalunga Dabu, gai gilaadeu gu pasa i muna o denga henua gee i ssauaa o de Hagasaalunga ⌊Dabu⌋.

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Acts 26:28

Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”

Acts 6:10

Aagai gilaadeu tee maua i de hai baasi ange gi de heiangi aama de Hagasaalunga oona e basa ai laa.

Ephesians 6:19

Gai dalodalo hogi i ogu hiidinga, gi gaamai ai gi de au agu muna e tala ma de lo taane i dogu masavaa e agoago ai mee o de longo danuaa e dee iloo laa,

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.