Luke 21:1 - De Beebaa Dabu

¹ Iesu ne gidee de gau lava e hhao alaadeu mee ngadi gaavange gi lo te ngavesi o ssigidaumaha.

Luke 21:1 Iomraidhean Croise

1 Kings 14:26

Gai ia ga kave denga goloa hagamogomogo i lo te hale o Tagi Maolunga, ma goloa hagamogomogo i de hale o de hodooligi. Ia ne kave mee alodahi, madali denga mee hungihungi goolo a Solomon ne hai laa.

2 Kings 12:9

Gai tangada haimeedabu go Jehoiada ne gaamai dahi ngavesi, ga hoda honga dono pono gi masaavava, ga dugu i gaogao de mommee o ssigidaumaha i de baasi madau o de haitoga o de hale o Tagi Maolunga. Gai de gau haimeedabu e hagaloosia laa de haitoga ga hhao denga sseene alodahi a dangada e gaamai gi de hale o Tagi Maolunga gi ono lodo.

2 Kings 24:13

Gai ia ne kave hogi denga goloa hagamogomogo alodahi i de hale o Tagi Maolunga, ma de hale o de hodooligi, ma de duuduu ga too dagidahi goloa goolo alodahi a Solomon, de hodooligi o Israel ne hai laa moo de temple o Tagi Maolunga, bei de hai a Tagi Maolunga gu tala ai laa.

2 Chronicles 36:18

Gai Nebuchadnezzar ne kave gi Babylon denga goloa nnui ma goloa vaaligiligi alodahi i lo te hale o de Maadua, ma goloa hagamogomogo o de hale o Tagi Maolunga, ma de hale o de hodooligi aama hale o denga dagi.

Nehemiah 13:13

Gai au ne hili tangada haimeedabu go Shelemiah, ma Zadok tangada sisi, ma Pedaiah dahi hagadiilinga o Levi gilaadeu gi diiloo ange denga mommee doange laa, gai au ne hili Hanan tama daane a Zaccur, tama daane a Mattaniah, gi balea ange gilaadeu, go hiidinga denga daane nei e hai hegau i de mee abodonu. Gai go gilaadeu e duuhaa ange denga mee gi olaadeu dangada ange laa.

Matthew 27:6

Gai de gau haimeedabu maolunga ga kave denga dibaa selevaa laa ga hagataba, “E dee heohi de hhao mee nei gi lo te mommee doange o de temple, i hiidinga ni sseene ne daa ai dahi dangada ga magau.”

Luke 20:47

gilaadeu e gaiaa mee a denga haahine gu maakau olaadeu bodu, ma de hai gi lloa alaadeu dalodalo gi gidee ai e dangada. Gilaadeu e kona naa donu de hagaduasala!”

John 8:20

Iesu ne tala muna nei i de masavaa oona e agoago ai i de temple i gaogao de mommee e dugu ai denga sigidaumaha. Aagai teai donu se dangada ne boogia ia, go hiidinga tigi dae mai dono masavaa.

Joshua 6:19

Aagai denga selevaa, ma goolo, ma goloa alodahi e hai i bronze ma iron gu hagadabu ange gi Tagi Maolunga; mee nei alodahi e kave gi de mommee doange o Tagi Maolunga.”

Joshua 6:24

Gai gilaadeu ga dudu de aduhale ma mee alodahi i ono lodo. Go selevaa donu huu, ma goolo, ma goloa e hai i bronze ma iron ne kave gi de mommee doange i de hale o Tagi Maolunga.