Luke 20:24 - De Beebaa Dabu

²⁴ “Hagaagona mai gi de au dahi denarius. Niioai de ada ma de hagailonga iainei?” Gilaadeu ga hai ange, “Niio Caesar.”

Luke 20:24 Iomraidhean Croise

Matthew 18:28

Aagai ga sao huu taane hai hegau laa ga hano, gai ia gu hedae ange gi dahi dangada hai hegau, e muli ange laa gi de ia i e lau denarius, gai ia ga poo ia ga kumi dono ua, ga hai ange, ‘Hagao ina mai au muli.’

Matthew 20:2

Gai ga heloongoi huu gilaadeu ma de gau hai hegau bolo de hagaoanga se dahi denarius i de laangi, gai ia ga hai gilaadeu gi hulo gi hai hegau i dana veelengaa grape.

Matthew 22:20

gai ia ga ssili ange gi gilaadeu, “Niioai de ada ma de hagailonga iai nei?”

Mark 12:16

Gai gilaadeu ga gaavange dahi gi de ia. Gai Iesu ga ssili ange gi gilaadeu, “Niioai de ada ma de hagailonga iainei?” Gilaadeu ne hai ange gi de ia, “Niio Caesar.”

Luke 2:1

Laangi laa gai Caesar Augustus ne hagailoo bolo dangada alodahi i henua i lalo e sisi olaadeu ingoo.

Luke 20:22

E alaange demaadeu hagao ange taagisese gi Caesar be deai?”

Luke 20:23

Gai ia e iloo alaadeu maanadu vaivai daakodo, gai ia ga hai ange gi gilaadeu,

Luke 20:25

Gai ia ga hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

Luke 3:1

Gai de madaangahulu ma lima huu ngadau o Tiberius Caesar ne hodooligi ai — go de masavaa o Pontius Pilate e goobenaa ai i Judea, Herod go de tetrarch o Galilee, dono daina daane go Philip go de tetrarch Ituraea ma Traconitis, gai Lysanias go de tetrarch o Abilene —

Acts 11:28

Gai e dahi daane i olaadeu magavaa, dono ingoo go Agabus, ne hidi age ga basa pelaabisi i ssauaa o de Hagasaalunga ⌊Dabu⌋ bolo dahi onge laumalie gu dai dae mai gi henua i lalo alodahi; gai de mee nei ne hai i de masavaa o Claudius e dagi ai.

Acts 26:32

Gai Agrippa ga hai ange gi Festus, “Taane nei ne maua donu gi ola, noo ia tee dangidangi i de hagamodu ono muna i mada i mua o Caesar.”

Philippians 4:22

Dangada alodahi o de Maadua e gaavadu hogi delaadeu hagaboo gi goodou, gai e kii ai hugadoo dangada i de hale o Caesar i de llodo e gaavadu delaadeu hagaboo.