Luke 2:25 - De Beebaa Dabu

²⁵ Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.

Luke 2:25 Iomraidhean Croise

Genesis 6:9

Deenei taalanga o de huaabodu o Noah. Noah se daane e heohi aama tee haisala i dono atangada; Noah ne seesee madali de Maadua.

De Beebaa go Job 1:1

E dahi daane e noho i de henua go Uz, dono ingoo go Job. Ia se daane e dee haisala gai e heohi, gai ia e madagu i de Maadua ma de kino i de baubau.

De Beebaa go Job 1:8

Gai Tagi Maolunga ga ssili ange hogi gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua ma de kino i de baubau.”

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Isaiah 40:1

E hagadaba doodou Maadua: Hagaaneane ina, hagaaneane ina ogu dangada.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Numbers 11:25

Gai Tagi Maolunga ga hano iho mai i lo te hagausinga laa ga basa ange gi Moses, gai ia ga kave hanu mahi o de Hagasaalunga i daho Moses ga gaavange gi denga daane maatua e dinohidu laa. Gai de masavaa huu o de Hagasaalunga ne noho ai i olaadeu daha, gai gilaadeu ga pasa pelaabisi, aagai gilaadeu tee aahe ange e pasa pelaabisi i muli mai.

Numbers 11:29

Gai Moses ga hai ange gi de ia, “Koe gu magiaa ange naa gi gilaau i ogu hiidinga? Mee naa dangada alodahi o Tagi Maolunga gi ni pelaabisi gai Tagi Maolunga gi haia gi humai dono Hagasaalunga gi olaadeu elunga!”

Mark 15:43

gai Joseph taane Arimathea, go dahi daane hagadubu i daho de hagabuulinga hagasaele, gai se daane hogi e daalia de nohoanga hodooligi o de Maadua, ia ne lodo mmahi i de hano gi daho Pilate, ga dangidangi ange i de angaanga o Iesu.

Luke 1:41

Aagai de masavaa huu a Elizabeth ne langona ai de hagaboo a Mary, gai de gaagaa i lo tono dinae laa gu ngalue. Gai Elizabeth gu honu i de Hagasaalunga Dabu,

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Luke 1:67

Gai Zechariah tamana o John gu hhao ga honu i de Hagasaalunga Dabu. Gai ia ga basa pelaabisi, ga hagadaba,

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

Luke 23:51

Ia tee buni ange gi hagatau ma hegau a de hagabuulinga hagasaele. Ia se daane Arimathea, se aduhale niio de gau Ssuu, gai se daane e daalia de dae mai o de nohoanga hodooligi o de Maadua.

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 2:5

Laangi laa gai gu nnoho i Jerusalem de gau Ssuu mai i denga huaahenua alodahi, go gilaadeu e daohia hainga a Moses.

Acts 24:16

Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.