Luke 19:10 - De Beebaa Dabu

¹⁰ Go hiidinga Tama a Tangada ne humai e ssala ma de hagaola gilaadeu gu dee maaleva laa.”

Luke 19:10 Iomraidhean Croise

Ezekiel 34:12

Au e hagaloosi ange naa agu ssiibi bei de hai a tangada hagaloosi ssiibi e ssala ai laa ana ssiibi gu mavaevae saele laa. Au e hagaola naa gilaadeu mai i mommee alodahi olaadeu gu mavaevae saele laa aagena, i de laangi e hagausinga ai ma de gohu.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Matthew 10:6

Gai goodou hulo donu huu gi denga ssiibi i magavaa o dangada o Israel gu dee maaleva laa.

Matthew 15:24

Aagai Iesu ga hai ange gi gilaadeu, “Au ne hai donu huu gi humai gi denga ssiibi gu dee maaleva laa i daho de gau Israel.”

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Matthew 18:11

[Go hiidinga Tama a Tangada ne humai e hagamouli gilaadeu gu dee maaleva.]

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Luke 15:8

“Gai goai de hine e madaangahulu ana dibaa selevaa, gai noo dahi gu dee maleva, ia e dee haula naa de laama ga tahi de hale ga hagaduu ngae ga ssala ga dae ai gi dana gidee?

John 3:17

Gai de Maadua tee gaamai dana Dama Daane gi henua i lalo e hagaduasala ai henua i lalo, aagai ne gaamai e hagaola ai henua i lalo i ono daha.

Romans 5:6

De masavaa odaadeu e deai ai odaadeu mahi, gai Klisdo ne magau i hiidinga o de gau baubau, i de masavaa gu lava laa i de hagamodu.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.