Luke 19:1 - De Beebaa Dabu

¹ Iesu ne ulu i Jericho ga hano laa lo te aduhale laa.

Luke 19:1 Iomraidhean Croise

1 Kings 16:34

De masavaa o Ahab e hodooligi ai, gai Hiel taane Bethel ne daamada de hagaduu age Jericho. De masavaa aana ne hagadagodo ai tagelo o Jericho, gai dana dama madua go Abiram gu magau; gai de masavaa aana ne hagatuu age ai ono haitoga, gai dana gauligi go Segub gu magau hogi. Mee nei ne hai e hagassula ai muna a Tagi Maolunga gu tala i daho Joshua, tama daane a Nun.

Mark 10:46

Gai gilaadeu ne hulo ga tae gi Jericho. Gai de masavaa o Iesu ma ana dangada agoago, aama dangada soa ne ssao ai e hulo gee mai i Jericho, gai dahi daane dee gide, dono ingoo go Bartimaeus (e bei tama daane a Timaeus), e noho i gaogao de haiava ma e dangidangi ai i de bale.

Luke 18:35

Gai ga dai paa ange huu gilaadeu gi Jericho, gai dahi daane dee gide e noho i gaogao de haiava ma e dangidangi ai.

Luke 19:2

Gai e dahi daane dono ingoo go Zacchaeus; ia go tagi o de gau e hagabudulia taagisese i kilaa, gai se daane lava.

Joshua 2:1

Gai Joshua tama daane a Nun, ne hai gi hulo e dogolua daane mulidagi mai i Shittim, ga hai ange, “Gooluu hulo, mulidagi ina de henua, gai diiloo dagodo o de aduhale go Jericho.” Gai gilaau ne hulo ga ulu i de hale o dahi hahine hai be se manu, dono ingoo go Rahab, ga nnoho ai i de boo laa.