Luke 18:7 - De Beebaa Dabu

⁷ E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

Luke 18:7 Iomraidhean Croise

Psalm 88:1

Tagi Maolunga, dogu Maadua, go koe dogu hagaola; au e hagahi adu i de laangi ma de boo.

Psalm 9:8

Ia e hagamodu naa muna o henua i lalo i de heohi, ma de hagamodu muna i tee hilihili dangada.

Exodus 22:23

Noo koe e vaivai hai gilaadeu, gai gilaadeu ga tangi mai ai gi de au, gai au e hagallongo donu delaadeu dangidangi mai.

Isaiah 40:27

Jacob, gu aha gu hagadaba ai naa goe, Israel, gu aha gu nanu ai naa goe ma e hagadaba, “Tagi Maolunga e dee gidee donu ogu dagodo; gai dogu Maadua e dee anga ange mai donu gi dogu heohi”?

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Matthew 24:22

Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili.

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Matthew 7:11

Deenei ai, goodou ni dangada baubau, aagai goodou e iloo i de gaavange mee danuaa gi oodou dama; gai e kii ange donu doodou Damana i de langi i de maua i de gaavange mee danuaa gi gilaadeu e dangidangi ange ai gi de ia!

Luke 11:13

Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”

Luke 2:37

gai ia tee ahe ange e hai bodu, de masavaa laa gai gu madavalu ma haa ono ngadau. Gai ia e dee hano gee donu i de temple, gai ia e daumaha ma de hagahiigai, aama de dalodalo i de boo ma de laangi i kilaa.

Luke 21:28

Gai de masavaa naa huu e daamada ai de hai mee nei, aagai goodou tuu mage daangage age oodou biho, go hiidinga gu baa mai donu doodou hagamouli.”

Romans 8:33

Goai e maua i de hagabaubau gilaadeu a de Maadua gu hili? Go de Maadua e hagaheohi ina gilaadeu.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

1 Thessalonians 3:10

Gai gimaadeu e hagaduu ngae e dalodalo i de laangi ma de boo gi maua e gidaadeu i de hedae ange, gai gimaadeu ga hagadohu ai mee tigi dohu i oodou kai.

2 Thessalonians 1:6

Gai de Maadua e heohi donu, i dana sui ange hegau a dangada e vaivai haia goodou,

1 Timothy 5:5

De hine gu magau dono bodu gai e duasala abodonu, aagai e deai dangada e balea ange ia, dana tali hagalodolodo go de Maadua, gai ia e duudagi tangidangi ange gi de Maadua i de laangi ma de boo.

2 Timothy 1:3

Au e hagaahe ange de abodonu gi de Maadua, de ia oogu e daumaha ange aagena i tagi o ogu lodo i de muna abodonu, bei ogu dubuna madagidagi, i dagu masavaa e maanadu ai goe i agu dalodalo i de boo ma de laangi.

2 Timothy 2:10

Deenei ai, au e lodo mmahi i de hagauda mee nei alodahi, i hiidinga o dangada a de Maadua gu lava laa i de hili, gi maua ai e gilaadeu de hagamouli i delaadeu kai ange gi Klisdo Iesu, ma de mahamaha e deai laa se ngado mai.

Titus 1:1

Mai i daho Paul, tangada hai hegau o de Maadua, gai se dangada tala niio Iesu Klisdo, e hai ai gi hagadagadaga age kai o dangada a de Maadua gu lava laa i de hili, ma delaadeu iloo de mee abodonu, e haia laa gi maua e gilaadeu i de hai lodo o de Maadua,

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”

Revelation 7:15

Deelaa ai, gilaadeu e tuu naa i mada i mua o de nohoanga o de Maadua, ga daumaha ange ai gi de ia i dono temple i de laangi ma de boo; gai de ia e noho laa i honga de nohoanga laa e buibui naa gilaadeu i dono noho i olaadeu daha.