Luke 18:43 - De Beebaa Dabu

⁴³ De masavaa laa donu huu gai taane laa gu gide, gai ia ga daudali ange i Iesu, ga tuhi ai de Maadua. Gai ga gidee huu e dangada alodahi de hegau laa, gai gilaadeu ga tuhi de Maadua.

Luke 18:43 Iomraidhean Croise

Psalm 107:15

Gilaadeu gi hagadegi ina Tagi Maolunga i hiidinga dono abodonu, ma ana hegau hagalele mouli ange gi dangada.

Psalm 107:8

Gilaadeu gi hagadegi ina Tagi Maolunga i hiidinga dono abodonu, ma ana hegau hagalele mouli ange gi dangada.

Psalm 146:8

Tagi Maolunga e hai gi kide gilaadeu e dee kide; Tagi Maolunga e hai gi daangage age gilaadeu e ino gi lalo; Tagi Maolunga e aloha i gilaadeu e heohi.

Psalm 30:2

Tagi Maolunga dogu Maadua, au ne dangidangi adu koe gi balea mai au, gai koe ne hagaieiangi au.

Isaiah 35:5

De masavaa laa gai de gau dee kide e gidee naa, gai de gau longoduli gu langona.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 43:21

go dangada aagu ne hai e hai ai ogu dangada, gai gilaadeu ga tala ai dogu tuhi.

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 21:14

Gai de gau dee kide ma de gau balagelage ne loomai gi ono daha i lo te buibui o de temple, gai ia ga hagaieiangi gilaadeu.

Matthew 9:8

Gai dangada alodahi ne gidee laa mee laa gu maatagu mmao, gai gilaadeu ga tuhi de Maadua ne gaavange laa ssauaa laumalie laa gi dangada.

Luke 13:17

Gai ga basa ange huu Iesu bee nei gi ono hagadaumee, gai gilaadeu gu dookaa, gai dangada alodahi gu malangilangi i mee hagalele mouli alodahi aana gu hai.

Luke 19:37

Gai ga dai baa ange huu ia gi de aduhale, i de mommee e hano iho ai laa i de hadi aho o de Mounga o denga Olive, gai ana dangada agoago soa e daudali ange laa i de ia ga daamada de hevaalogi i de malangilangi ga tuhi de Maadua, i hiidinga denga mee hagalele mouli alodahi alaadeu gu gidee,

Luke 4:39

Gai Iesu ne hano ga ino iho ga hai gi hano gee de vvela laa, gai dono angaanga gu dee vvela. Gai de masavaa laa donu huu gai hine laa ga hidi age ga hai hanu gai e gaimee ai gilaadeu.

Luke 5:26

Gai dangada alodahi gu llele mouli ga tuhi de Maadua aama de maatagu mmao, ga hagataba, “Gidaadeu gu gidee hanu mee hagalele mouli anailaa nei!”

Luke 9:43

Gai dangada alodahi gu llele mouli i ssauaa mmahi o de Maadua. De masavaa ne llele ai mouli o dangada i hegau hugadoo a Iesu gu hai laa, gai ia ga hai ange gi ana dangada agoago,

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Acts 4:21

Aagai dua huu delaadeu hagamaatagu gilaau gai gilaadeu ga dugu gilaau gi hulo, gilaadeu tee maua i de hagaduasala gilaau i hiidinga gilaadeu ne maatagu i dangada; go hiidinga dangada alodahi gu tuhi de Maadua i hiidinga de hegau gu hai laa.

Galatians 1:24

Gai gilaadeu ga tuhi de Maadua i ogu hiidinga.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.