Luke 17:3 - De Beebaa Dabu

³ Goodou kana ange dagidiiloo iho goodou! Noo dahi oo daina gu haisala adu gi de goe, gai koe hagaseegina ia; noo ia gu dahuli ono lodo, gai koe degi ange.

Luke 17:3 Iomraidhean Croise

Psalm 141:5

De hagaili a tangada heohi au, e bei donu dono abodonu mai; dana hagasee au, e bei donu de lolo e hagasulu ai laa dogu biho; gai au e dee hagaui gee ai donu. Gai au e duudagi naa donu de dalodalo e hai baasi ange ai gi dangada e haia de baubau.

Exodus 34:12

Gai goodou kana ange diiloo gi dee haia e goodou dahi hagatoo donu hagaheloongoi madali dangada e nnoho i de henua oodou gu dai hulo naa aagena, gi dee noodia ai goodou i mee nei bei dagodo o ssele.

Proverbs 17:10

Tangada heiangi e maua ange i de kave dono hagaheohi ina i e dahi hanonga, i de hagailiilia o tangada lodo senga i e lau hanonga.

Proverbs 27:5

E danuaa ange doo hano gi daho tangada ga hagasee ai ia i de hagammuni doo aloha i de ia.

Proverbs 9:8

Koe gi dee hagaseegina tangada doo mee, go hiidinga ia e kino naa i de goe, aagai hagaseegina tangada heiangi, gai ia e aloha naa i de goe.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

Matthew 18:21

Aagai Peter ne humai ga ssili ange gi Iesu, “Tagi Maolunga, e hia hanonga oogu e degi ange ai gi dogu daina, noo ia gu haisala mai gi de au, e hidu hanonga?”

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Ephesians 5:15

Goodou dagidiiloo doodou hai e mouli ai; goodou gi dee bei dagodo o de gau llodo ssenga, aagai gi bei gilaadeu e heiangi.

Deuteronomy 4:15

Gai goodou tee gidee donu dahi angaanga i de laangi o Tagi Maolunga ne basa adu ai gi goodou mai i lo te ahi ula i Horeb. Deenei ai, goodou kana ange dagidiiloo iho goodou,

Deuteronomy 4:23

Gai goodou kana ange gi dee ngalo e goodou de hagatoo donu hagaheloongoi a Tagi Maolunga doodou Maadua gu hai madali goodou, gai goodou ga hai ai dahi diinonga ga hagadagodo ange gi dahi mee daudahi a Tagi Maolunga doodou Maadua gu hai adu goodou gi dee haia.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

James 5:19

Denga daina, noo dahi goodou e dahuli gee i de mee abodonu, gai dahi dangada ga hagaahe mai ia,

2 John 1:8

Goodou dagidiiloo gi dee dilia e goodou mee oodou gu hagaduu ngae ma gu hai hegau ange aagena, aagai goodou gi maua i de kave doodou hagaoanga alodahi.