Luke 16:28 - De Beebaa Dabu

²⁸ gi daho ogu daina daane dogolima, gi daalaa ange ai gi gilaadeu dagodo o de mommee nei, gi dee loomai ai gilaadeu gi de mommee hagammae nei.’

Luke 16:28 Iomraidhean Croise

Luke 16:27

Gai taane lava laa ne hai ange gi de ia, ‘Dogu damana, au e dangidangi adu koe gi haia Lazarus gi hano gi de hale o dogu damana,

Acts 10:42

Ia ne hai mai gimaadeu gi agoagona ange dangada, ma de tala hagadonu bolo de Maadua gu hili ia gi hagamodu ina muna o dangada e mouli aama gilaadeu gu maakau.

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 2:40

Gai ne lagolago ana mee ne tala ange ma de tala hagadonu ange aama de hagammahi ange gilaadeu, ga hai ange, “Goodou hagaola ina goodou mai i de hagaduasala gu dai gaavange gi de atangada baubau nei!”

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 20:23

Gai deelaa donu huu, de Hagasaalunga Dabu ne hagaago mai gi de au i denga aduhale alodahi, bolo au e noodia naa ga hagaduasala.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 23:11

De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

Acts 26:22

Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai:

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Acts 8:25

Gai ga lava huu i delaau agoago ma de tala muna a Tagi Maolunga i kilaa, gai Peter ma John ga aahe gi Jerusalem, ga agoago de longo danuaa i denga aduhale lagolago o Samaria ga hulo ai.

Galatians 5:3

Au e tala hagadonu ange hogi gi tangada e tuu dagaholiage laa, bolo ia e hai donu gi daudali i denga hainga alodahi.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

1 Thessalonians 2:11

Goodou e iloo hogi bolo gimaadeu ne hai hegau adu gi goodou bei dagodo o tamana ange gi ana dama;

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.