Luke 15:20 - De Beebaa Dabu

²⁰ Gai tama daane laa ga hidi age ga ahe mai gi daho dono damana. Gai de masavaa huu a dono damana ne gidee adu ai ia i de mommee mmao, gai ia gu lodo aloha i de ia, gai ia ga savini ga hano ga buuludi ange ia ma de oso.

Luke 15:20 Iomraidhean Croise

Genesis 33:4

Aagai Esau ne savini mai ga hedae ange gi Jacob, ga buuludi ange ia ga oso ia, gai gilaau gu tangi.

Genesis 45:14

Gai ia ga ino ange gi honga de eu o dono daina go Benjamin ga dangi ai, gai Benjamin gu dangi hogi.

Genesis 46:29

gai Joseph gu hagadabena dono hada e hano ai gi Goshen, e hedae ange ai gi dono damana go Israel. Gai de masavaa huu olaau ne hedae ai, gai ia ga ino ange gi honga de eu o dono damana ga dangi ai, i dahi masavaa daulooloa.

2 Samuel 14:33

Gai a Joab ga hano gi daho de hodooligi, ga tala ange muna a Absalom gi de ia; gai de hodooligi ga aalu Absalom gi humai. Gai ga dae mai huu ia gi daho de hodooligi, gai ia ga ino gi honga de gelegele i mada i mua o de hodooligi; gai de hodooligi ga oso Absalom.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Isaiah 49:15

E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Jeremiah 31:20

E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Luke 15:19

Gu dee heohi dogu hagabinga bolo se dama niiau, gai koe haia ngau gi se dangada hai hegau niiou.’

Luke 15:21

Gai dana dama ga hai ange gi de ia, ‘Dogu damana, au gu haisala ange gi de Maadua aama adu gi de goe. Gu dee heohi dogu hagabinga bolo se dama niiau.’

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Acts 20:37

Gai gilaadeu alodahi gu tangi mmao ga buuludi ange a Paul ma de oso ia.

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.

Ephesians 2:17

Gai ia ne humai ga agoago adu goodou denga Gentile e mmao gee laa i dagodo o de baba, aama ange hogi gi de gau Ssuu e paa ange laa.