Luke 15:17 - De Beebaa Dabu

¹⁷ Aagai ga gidee iho huu e ia ono dagodo, gai ia ga hagadaba, ‘De gau hai hegau soa o dogu damana e lagolago mmao alaadeu gai, gai au e magau i de hiigai i kinei!

Luke 15:17 Iomraidhean Croise

Psalm 119:59

Au ne maanadu dagodo o agu hegau, gai au ga huli mai ga daudali i au muna.

Psalm 73:20

Gilaadeu e bei de midi e ngalo laa i de alahage o tangada; dogu Ia Aamua, de masavaa oou e hidi age ai, gai koe gi hagangadi mee ina gilaadeu bei dagodo o denga ngadi midi.

Ecclesiastes 9:3

Deenei de mee baubau e hai i mee alodahi e hai i lalo de laa: de hagaodi o dangada alodahi e dagodo daudahi donu huu. E dahi ange mee, lodo o dangada e hoohonu i de baubau, gai de llodo ssenga e dagodo i olaadeu lodo i de masavaa olaadeu e mouli ai, gai muli mai gilaadeu e hulo gi daho de gau maakau.

Jeremiah 31:19

Dua dogu huli gee i de goe, gai au ne dahuli ogu lodo; dua dogu agoagona ga donu ange, gai au ne hagailiili ogu hadahada ⌊i dogu daemaha⌋. Au ne dogaa ma de hagadogaa ina, i hiidinga o ogu baubau i de masavaa oogu e dama daane ai.’

Lamentations 1:7

Laangi oona ne vaivai haia ai ma de silivaahea saele ai, gai Jerusalem ne manadua denga goloa hagamogomogo alodahi, e hanu i ono daha i denga laangi gu hulo. De masavaa o ono dangada ne hagadee kii ina ai, gai teai donu se dangada ne balea ange ia. Ono hagadaumee ne haina ia, ma de kada i dono hagadee kii ina.

Ezekiel 18:28

Go hiidinga ia ne gidee gai ia ga dahuli gee i haisala alodahi aana gu hai, gai ia e mouli donu; ia e dee magau donu.

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

Luke 15:16

Gai tama daane nei ne lodo mmao e gai gai a denga biigi, gai e deai hogi se dangada e gaavange gi de ia dahi mee e gai ia.

Luke 16:23

aagai ia ne galo age i lo te ahi, i de masavaa oona e hagammae ai, gai ia gu gidee Abraham i de mommee mmao ma Lazarus i dono gaogao.

Luke 8:35

Aagai dangada ne loomai e tilo mee gu hai laa, gai ga tae mai huu gilaadeu gi daho Iesu, gai gilaadeu gu gidee taane ne ssao mai laa denga hagasaalunga baubau i ono daha gu noho i gaogao luu vae o Iesu, ia gu gahu gai gu dee libolibo ange, gai gilaadeu gu maatagu.

Acts 12:11

Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”