Luke 15:10 - De Beebaa Dabu

¹⁰ Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Luke 15:10 Iomraidhean Croise

Ezekiel 18:23

Goodou e maanadu bolo au e malangilangi i de magau o tangada baubau? go de Ia Aamua go Iahweh e hagadaba. E dee go de dahuli gee i ana hegau gi mouli ai ia?

Ezekiel 18:32

Au e dee malangilangi i de magau o dahi dangada daudahi, go de Ia Aamua go Iahweh e hagadaba; deenei ai, goodou daahuli oodou lodo gi mouli ai goodou.

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Matthew 10:32

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi.

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Matthew 18:14

E bei ai hogi lodo o doodou Damana i de langi laa, ia e dee lodo donu gi magau dahi dangada maolalo bee nei.

Luke 12:8

“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua.

Luke 12:9

Aagai be goai e hagadee iloo ina au i madamada o dangada, gai au e hagadee iloo naa hogi ia i madamada o de gau de langi o de Maadua.

Luke 13:5

Au e hai adu gi goodou, e deai! Gai noo goodou e dee daahuli oodou lodo, gai goodou alodahi e odi donu i de maakau bei olaadeu dagodo.”

Luke 15:11

Iesu ne hai ange hogi gi dangada, “E dahi daane e dogolua ana dama daane.

Luke 15:7

Au e hai adu gi goodou bolo e bei ai hogi, e kii ange de laumalie de malangilangi i de langi i de dahuli lodo o dahi dangada haisala i dangada heohi e dinosiva ma dogosiva gu lava laa i de daahuli.

Luke 15:9

Gai de masavaa naa huu aana e gidee ai tibaa selevaa laa, gai ia ga hagabuni ono soa ma gilaadeu e paa ange gi de ia, ga hai ange, ‘Goodou malangilangi madali au, au gu gidee tibaa selevaa aagu gu dee maleva laa!’

Luke 7:47

Deenei ai, au e hai adu gi de goe, dono aloha e laumalie, i hiidinga ono haisala e lagolago gai gu degi ange aagena. Aagai tangada ne damaa mee de mee ne degi ange ai gi de ia, e damaa mee hogi dono aloha.”

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

2 Corinthians 7:10

Gai taemaha i de hagatau a de Maadua e hai ga dahuli de lodo e dagina ange laa tangada gi de hagamouli, gai e deai se lua lodo iai; aagai taemaha o henua i lalo e hano ga duu ange gi de magau.

Philemon 1:15

Gai agu made ia ne hano gee mai i oo daha i dahi damaa masavaa, gi maua ai e goe i de hagaahe adu ia gi noho i oo daha ga hano ai.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?