Luke 14:26 - De Beebaa Dabu

²⁶ “Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Luke 14:26 Iomraidhean Croise

Psalm 139:22

Gai dogu kino i gilaadeu e dee helui donu; gai au e hagabinga bolo gilaadeu ni hagadaumee niiogu.

Numbers 10:30

Ia ga hai ange gi Moses, “Au e dee hano madali goodou; gai au e ahe e hano gi dogu henua ma daho ogu dangada.”

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Luke 14:20

Gai dahi ne hai ange hogi, ‘Au se goodo hai bodu donu huu, deelaa ai, au e dee maua i de hanadu.’

Luke 14:25

Dangada soa mmao ne daudali ange i Iesu, gai ia ga huli mai ga hai ange gi gilaadeu,

John 12:25

Be goai e hagamogomogo ina dono mouli aama e tili donu, gai be goai e kino i dono mouli i henua i lalo nei, gai ia e doange dono mouli gi de mouli e dee ngado mai.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Romans 9:13

Gai gu sisi e hai ange, “Au e aloha i Jacob gai au e kino i Esau.”

Deuteronomy 21:15

Noo dahi daane e hai bodu ange gi e dogolua haahine, gai ia e aloha i dahi aagai e dee aloha i de hine ange laa, gai luu haahine nei ngaadahi gu haanau ange gi de ia, aagai dana dama daane madua ne haanau i daho de hine oona e dee aloha ai laa,

Deuteronomy 33:9

Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.